ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/163

ਵਿਕੀਸਰੋਤ ਤੋਂ
ਇਹ ਸਫ਼ਾ ਪ੍ਰਮਾਣਿਤ ਹੈ

ਮਾਝੇ ਦੇ ਜੱਟ ਬੁਰੇ ਸੁਣੀਂਦੇ
ਪਾਉਂਦੇ ਊਠ ਨੂੰ ਖਲ਼ ਵੇ
ਖਲ਼ ਤਾਂ ਸਾਥੋਂ ਕੁੱਟੀ ਨਾ ਜਾਵੇ
ਗੁੱਤੋਂ ਲੈਂਦੇ ਫੜ ਵੇ
ਮੇਰਾ ਉਡੇ ਡੋਰੀਆ-
ਮਹਿਲਾਂ ਵਾਲ਼ੇ ਘਰ ਵੇ

ਨੀ ਹਰਾ ਪੋਣਾ

ਨੀ ਖੱਟਾ ਪੋਣਾ
ਮੇਰੇ ਬਾਪ ਜਾ ਜਵਾਈ
ਬੜਾ ਸੋਹਣਾ

ਬਾਪ ਮੇਰੇ ਨੇ ਮਹਿਲ ਪਵਾਇਆ

ਉਤੇ ਚੁਬਾਰਾ ਪਾਇਆ
ਨੀ ਵਿਚ ਚੁਬਾਰੇ ਮੰਜਾ ਡਾਹਿਆ
ਕੋਰਾ ਖੇਸ ਵਿਛਾਇਆ
ਨੀ ਚੌਧਵੀਂ ਦੇ ਚੰਨ ਵਰਗਾ
ਮੇਰੇ ਬਾਪ ਦਾ ਜੁਆਈ
ਘਰ ਆਇਆ
ਨੀ ਚੌਧਵੀਂ ਦੇ ਚੰਨ ਵਰਗਾ
ਮੇਰੇ ਬਾਪ ਦਾ
ਜੁਆਈ ਘਰ ਆਇਆ

161 - ਬੋਲੀਆਂ ਦਾ ਪਾਵਾਂ ਬੰਗਲਾ