ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/166

ਸਰਵਣ ਵੀਰ ਬਿਨਾਂ
ਮੇਰੀ ਗੱਠੜੀ ਬਣਾਂ ਵਿਚ ਰੁਲਦੀ

ਘਰ ਦੇ ਵੀਰ ਬਿਨਾਂ

ਮੇਰੀ ਗਠੜੀ ਦਰਾਂ ਵਿਚ ਰੁਲਦੀ

ਚਾਚੇ ਤਾਏ ਮਤਲਬ ਦੇ

ਛੱਕਾਂ ਪੂਰਦੇ ਅੰਮਾਂ ਦੇ ਜਾਏ

ਚਾਚੇ ਤਾਏ ਕੋਲ਼ ਦੀ ਲੰਘ ਗਏ

ਵੀਰ ਨਦੀਆਂ ਚੀਰਦੇ ਆਏ

ਕੰਨੀਂ ਨੱਤੀਆਂ ਸ਼ਰਬਤੀ ਅੱਖੀਆਂ

ਓਹ ਵੀਰ ਮੇਰਾ ਕੁੜੀਓ

ਇਕ ਵੀਰ ਬੇਲ ਦਾ ਲੰਬਾ

ਦੂਜੀ ਪੱਗ ਛਤਣਾਂ ਨੂੰ ਜਾਵੇ

ਜਿੱਥੇ ਮੇਰਾ ਵੀਰ ਲੰਘਿਆ

ਕੌੜੀ ਨਿੰਮ ਨੂੰ ਪਤਾਸੇ ਲਗਦੇ

ਵੀਰ ਲੰਘਿਆ ਪਜਾਮੇ ਵਾਲ਼ਾ

ਲੋਕਾਂ ਭਾਣੇ ਠਾਣਾ ਲੰਘਿਆ

ਫੌਜਾਂ ਵਿਚ ਵੀਰ ਸਿਆਣਾ

ਕੰਨੀਂ ਨੱਤੀਆਂ ਸ਼ਰਬਤੀ ਅੱਖੀਆਂ

ਗਾਲ਼ਾ ਕੱਢੀਆਂ ਗਲ਼ੀ ਵਿਚ ਖੜ੍ਹਕੇ

ਮਾਣ ਭਰਾਵਾਂ ਦੇ

ਸਾਡੀ ਪੱਚੀਆਂ ਪਿੰਡਾਂ ਦੀ ਸਰਦਾਰੀ

ਮੇਰੇ ਵੀਰ ਲਾਉਣ ਮਾਮਲਾ

164 - ਬੋਲੀਆਂ ਦਾ ਪਾਵਾਂ ਬੰਗਲਾ