ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/169

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


ਕਾਹਨੂੰ ਆਇਐਂ ਬਸ਼ਰਮਾ ਵੀਰਾ
ਕਰੂਆਂ ਦੇ ਵਰਤ ਗਏ

ਬਹੁਤਿਆਂ ਭਰਾਵਾਂ ਵਾਲ਼ੀਏ

ਤੈਨੂੰ ਲੈਣ ਨਾ ਤੀਆਂ ਨੂੰ ਆਏ

ਸੱਸੀਏ ਬੜੇਵੇਂ ਅੱਖੀਏ

ਤੈਥੋਂ ਡਰਦੇ ਲੈਣ ਨਾ ਆਏ

ਚਿੱਠੀ ਪਾਈਂ ਵੇ ਅੰਮਾ ਦਿਆ ਜਾਇਆ

ਭੈਣ ਪ੍ਰਦੇਸਣ ਨੂੰ

ਚਿੱਠੀ ਪਾਉਣ ਨਾ ਦੇਵੇ ਭਾਬੋ ਤੇਰੀ

ਕਾਗਜ਼ਾਂ ਦਾ ਮੁੱਲ ਮੰਗਦੀ

ਚਿੱਠੀ ਪਾਈਂ ਅੰਮਾ ਦਿਆ ਜਾਇਆ

ਕਾਗਜ਼ਾਂ ਦਾ ਮੁੱਲ ਘਲ ਦੂੰ

ਚੂਰੀ ਕੁੱਟ ਕੇ ਰੁਮਾਲ ਲੜ ਬੰਨ੍ਹ ਲੈ

ਸਹੁਰੇ ਮੇਰੇ ਦੂਰ ਵੀਰਨਾ

ਹੱਥ ਛਤਰੀ ਨਹਿਰ ਦੀ ਪਟੜੀ

ਠੰਡੇ ਠੰਡੇ ਆ ਜੀਂ ਵੀਰਨਾ

ਹੱਥ ਛੱਤਰੀ ਰੁਮਾਲ ਪੱਲੇ ਸੇਵੀਆਂ

ਭੈਣ ਕੋਲ਼ ਭਾਈ ਚੱਲਿਆ

ਪੱਬ ਚੁੱਕ ਵੇ ਅੰਮਾਂ ਦਿਆ ਜਾਇਆ

ਵਾਟਾਂ ਦੂਰ ਦੀਆਂ

ਭੈਣ ਭਾਈ ਬੋਤੇ ਤੇ ਚੜ੍ਹੇ

ਬੋਤਾ ਲਗਰਾਂ ਸੂਤਦਾ ਆਵੇ

167 - ਬੋਲੀਆਂ ਦਾ ਪਾਵਾਂ ਬੰਗਲਾ