ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/172

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


ਵੀਰਾ ਤੇਰੀ ਜੜ ਲਗਜੇ
ਵੇ ਮੈਂ ਨਿਤ ਬਰ੍ਹਮੇਂ ਜਲ ਪਾਵਾਂ

ਰੱਬਾ ਲਾ ਦੇ ਕੱਲਰ ਵਿਚ ਬੂਟਾ

ਵੀਰਨ ਧਰਮੀ ਦਾ

ਚੰਦ ਚੜ੍ਹਿਆ ਬਾਪ ਦੇ ਖੇੜੇ

ਵੀਰ ਘਰ ਪੁੱਤ ਜਰਮਿਆ

ਵੀਰ ਘਰ ਪੁੱਤ ਜਰਮਿਆ

ਕੁਛ ਮੰਗ ਲੈ ਛੋਟੀਏ ਭੈਣੇ

ਮੈਂ ਨਾ ਵੇ ਕੁੱਛ ਲੈਣਾ ਵੀਰਨਾ

ਪੁੱਤ ਤੇਰਾ ਵੇ ਭਤੀਜਾ ਮੇਰਾ

ਵੀਰ ਮੱਝੀਆਂ ਦੇ ਸੰਗਲ ਫੜਾਵੇ

ਭਾਬੋ ਮੱਥੇ ਪਾਵੇ ਤਿਊੜੀਆਂ

ਸਰਦੈ ਤਾਂ ਦਈਂ ਵੀਰਨਾ

ਚਿੱਟੀ ਕੁੜਤੀ ਗੁਲਾਬੀ ਝੋਨਾ

ਖੱਟੀ ਕੁੜਤੀ ਗੁਲਾਬੀ ਲੀੜਾ

ਸਰਦੈ ਤਾਂ ਦੇ ਦੇ ਵੀਰਨਾ

ਛੋਟੇ ਵੀਰ ਨੇ ਕਰਾਈਆਂ ਪਿੱਪਲ-ਪੱਤੀਆਂ

ਘੁਲਾੜੀ ਵਿਚੋਂ ਗੁੜ ਵੇਚ ਕੇ

ਵੀਰਾ ਵੇ ਨਿਰੰਜਣ ਸਿਆਂ

ਤੇਰੀ ਉਸਰੇ ਲਾਲ ਹਵੇਲੀ

ਮੇਰੇ ਵੀਰ ਦਾ ਪੱਕਾ ਦਰਵਾਜ਼ਾ

ਭਾਬੋ ਪਾਵੇ ਮੋਰਨੀਆਂ

170 - ਬੋਲੀਆਂ ਦਾ ਪਾਵਾਂ ਬੰਗਲਾ