ਇਹ ਸਫ਼ਾ ਪ੍ਰਮਾਣਿਤ ਹੈ
ਦੂਜੇ ਡੋਬ ਫੁਲਕਾਰੀ
ਸੱਸ ਮੇਰੀ ਨੇ ਛੰਨਾ ਵੇਚਤਾ
ਕੰਤ ਮੇਰੇ ਨੇ ਮਛਲੀ ਵੇਚੀ
ਪੱਚੀਆਂ ਤੋਲਿਆਂ ਵਾਲ਼ੀ
ਝਗੜਾ ਜਿੱਤ ਆਈ ਵੇ-
ਤੂੰ ਜੀਜਾ ਮੈਂ ਸਾਲ਼ੀ
ਜੀਜਾ ਸਾਲ਼ੀ ਪੀਂਘ ਝੂਟਦੇ
ਸਾਲ਼ੀ ਡਿਗਗੀ ਹੁਲਾਰਾ ਖਾ ਕੇ
ਬੋਚੀਂ ਵੇ ਜੀਜਾ-
ਘਰ ਦੀ ਨਾਰ ਬਣਾ ਕੇ
ਉੱਚੇ ਟਿੱਬੇ ਮੈਂ ਭਾਂਡੇ ਮਾਂਜਦੀ
ਉਪਰੋਂ ਰੁੜ੍ਹ ਗਈ ਥਾਲ਼ੀ
ਜੀਜਾ ਚਾਹ ਪੀ ਲੈ-
ਲੌਂਗ ਲੈਚੀਆਂ ਵਾਲ਼ੀ
ਮੇਰੀ ਗਵਾਚੀ ਮੁੰਦਰੀ ਜੀਜਾ
ਤੇਰੀ ਗਵਾਚੀ ਮਾਂ
ਵੇ ਚਲ ਲੱਭਣ ਚੱਲੀਏ
ਕਰ ਛਤਰੀ ਦੀ ਛਾਂ
ਜੇ ਜੀਜਾ ਸਾਨੂੰ ਵੰਗਾਂ ਚੜ੍ਹਾਉਣੀਆਂ
ਜੇ ਜੀਜਾ ਸਾਨੂੰ ਵੰਗਾਂ ਚੜ੍ਹਾਉਣੀਆਂ
ਵੰਗਾਂ ਚੜਾ ਦੇ ਕਾਲ਼ੀਆਂ ਵੇ-
ਅਸੀਂ ਅਸਲ ਮਲੰਗਾਂ ਦੀਆਂ ਸਾਲ਼ੀਆਂ ਵੇ
ਚਲ ਜੀਜਾ ਆਪਾਂ ਤਾਸ਼ ਖੇਡੀਏ
ਚਲ ਜੀਜਾ ਆਪਾਂ ਤਾਸ਼ ਖੇਡੀਏ
ਇੱਟ ਦੀ ਬੇਗੀ ਸਿੱਟ ਵੇ
ਜੀਜਾ ਤਾਸ਼ ਖੇਡਣੀ
ਤਾਸ਼ ਖੇਡਣੀ ਸਿੱਖ ਵੇ
182 - ਬੋਲੀਆਂ ਦਾ ਪਾਵਾਂ ਬੰਗਲਾ