ਇਹ ਸਫ਼ਾ ਪ੍ਰਮਾਣਿਤ ਹੈ
ਸੁਣ ਵੇ ਕੰਤਾ ਸ਼ਾਹ ਬਲਵੰਤਾ
ਅਰਜ ਕਰਾਂ ਮੈਂ ਨਾਰੀ
ਸਿਰ-ਧੜਾਂ ਦੀਆਂ ਲੱਗੀਆਂ ਵੈਰੀਆ
ਤੂੰ ਜਿੱਤਿਆ ਮੈਂ ਹਾਰੀ
ਓਸ ਪੱਠੇ ਨਾਲ਼ ਲਾਈਏ ਦੋਸਤੀ
ਧੌਣ ਲੰਬੀ ਗੁੱਤ ਭਾਰੀ
ਸਹੁਰੀਂ ਕੱਟ ਆਈ-
ਦੋਜ਼ਖ਼ ਦੇ ਦਿਨ ਚਾਲ਼ੀ
ਕਿਉਂ ਪਾਇਆ ਵੇ ਨ੍ਹੇਰਾ
ਆਈ ਗੁਆਂਢਣ ਪੁੱਛਣ ਲੱਗੀ
ਔਹ ਕੀ ਲਗਦਾ ਤੇਰਾ
ਬਾਪ ਮੇਰੇ ਦਾ ਸਕਾ ਜਵਾਈ
ਸਿਰ ਮੇਰੇ ਦਾ ਸਿਹਰਾ
ਕੁੜੀਆਂ ਨੂੰ ਦਸਦੀ ਫਿਰਾਂ-
ਅੜਬ ਪਰਾਹੁਣਾ ਮੇਰਾ
ਖੇਡ ਲੋ ਨੀ ਕੁੜੀਓ
ਹੱਸਣਾ ਖੇਡਣਾ ਰਹਿ ਜਾਊਗਾ
ਨੀ ਕੋਈ ਬੂਝੜ ਜਿਹਾ
ਜੱਟ ਲੈ ਜਾਊਗਾ
ਮਾਹੀ ਤਾਂ ਮੇਰਾ ਮੰਗਦਾ ਸਾਗ
ਮੰਗਦਾ ਸਾਗ
ਮੈਂ ਤੜਕਾ ਲਾਇਆ ਸਣੇ ਪਿਆਜ਼
ਤੜਕਾ ਰਹਿ ਗਿਆ ਕੱਚਾ ਨੀ ਮਾਂ
ਮੇਰੇ ਏਥੇ ਸੋਟਾ ਵੱਜਾ ਨੀ ਮਾਂ
ਮੇਰੇ ਏਥੇ ਸੋਟਾ ਵੱਜਾ ਨੀ ਮਾਂ
188 - ਬੋਲੀਆਂ ਦਾ ਪਾਵਾਂ ਬੰਗਲਾ
