ਇਹ ਪੰਨਾ ਪ੍ਰਮਾਣਿਤ ਕੀਤਾ ਗਿਆ ਹੈ
ਬਾਰੀਂ ਬਰਸੀਂ ਖੱਟ ਕੇ ਲਿਆਇਆ
ਖੱਟ ਕੇ ਲਿਆਂਦਾ ਫੀਤਾ
ਤੇਰੇ ਘਰ ਕੀ ਵਸਣਾ
ਤੂੰ ਮਿਡਲ ਪਾਸ ਨਾ ਕੀਤਾ
ਕੰਤ ਮਝੇਰੂ ਦੇ
ਮੈਂ ਬਹਿ ਕੇ ਕੀਰਨੇ ਪਾਵਾਂ
ਮਾਂ ਨੂੰ ਧੀ ਪੁੱਛਦੀ
ਮੈਂ ਹੁਣ ਕੀ ਲਾਜ ਬਣਾਵਾਂ
ਕੁੜਤੀ ਪਾਟੀ ਦਾ
ਤੂੰ ਮੰਗ ਮਿੱਤਰਾਂ ਤੋਂ ਨਾਮਾਂ
ਨੀਮੀ ਪਾ ਕੇ ਲੰਘ ਜਾਂਦਾ
ਮੈਂ ਸਾਈ ਦੰਦਾਂ ਦੀ ਲਾਮਾਂ
ਚੌਂਕ ਚੰਦ ਮੈਂ ਗੁੰਦ ਲਏ ਨੇ
ਹਿੱਕ ਤੇ ਜੰਜੀਰੀ ਪਾਵਾਂ
ਕੰਤ ਮਝੇਰੂ ਦਾ-
ਹੁਣ ਕੀ ਲਾਜ ਬਣਾਵਾਂ
ਕਰਦਾ ਅਜਬ ਬਹਾਰਾਂ
ਮਾਸ ਸ਼ਰਾਬ ਕਦੇ ਨੀ ਛੱਡਦਾ
ਦੇਖ ਉਸ ਦੀਆਂ ਕਾਰਾਂ
ਗਹਿਣੇ ਕੱਪੜੇ ਲੈ ਗਿਆ ਸਾਰੇ
ਕੂਕਾਂ ਕਹਿਰ ਦੀਆਂ ਮਾਰਾਂ
ਜੀ ਚਾਹੇ ਤਾਂ ਸੋਟਾ ਫੇਰੇ
ਦੁਖੜੇ ਨਿੱਤ ਸਹਾਰਾਂ
ਚੋਰੀ ਯਾਰੀ ਦੇ ਵਿਚ ਪੱਕਾ
ਨਿਤ ਪਾਵੇ ਫਟਕਾਰਾਂ
ਕਦੀ ਕਦਾਈਂ ਘਰ ਜੇ ਆਵੇ
ਮਿੰਤਾਂ ਕਰ ਕਰ ਹਾਰਾਂ
ਛਡਦੇ ਵੈਲਾਂ ਨੂੰ-
ਲੈ ਲੈ ਤੱਤੀ ਦੀਆਂ ਸਾਰਾਂ
201 - ਬੋਲੀਆਂ ਦਾ ਪਾਵਾਂ ਬੰਗਲਾ
