ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/205

ਵਿਕੀਸਰੋਤ ਤੋਂ
ਇਹ ਸਫ਼ਾ ਪ੍ਰਮਾਣਿਤ ਹੈ

ਮੇਰਾ ਢੋਲ ਪ੍ਰਦੇਸੀ

ਨੌਕਰ ਨੂੰ ਨਾ ਦਈਂ ਬਾਬਲਾ
ਹਾਲ਼ੀ ਪੁੱਤ ਬਥੇਰੇ
ਨੌਕਰ ਵਿਆਹ ਕੇ ਉਠ ਜੂ
ਮਗਰੋਂ ਛੜੇ ਮਾਰਨਗੇ ਗੇੜੇ
ਬ੍ਰਹਮਾਂ ਦੇ ਵਿਚ ਲੱਗੀ ਲੜਾਈ
ਗੋਲ਼ੀ ਚਲਦੀ ਚਾਰ ਚੁਫੇਰੇ
ਲਗਜੂ ਗੋਲ਼ੀ ਮਰਜੂ ਲਫੰਗਾ
ਕੀ ਹੱਥ ਆਊ ਤੇਰੇ
ਮੈਂ ਤੈਨੂੰ ਵਰਜ ਰਹੀ-
ਦਈਂ ਨਾ ਬਾਬਲਾ ਫੇਰੇ

ਨੌਕਰ ਨੂੰ ਨਾ ਵਿਆਹੀਂ ਵੇ ਬਾਬਲਾ

ਨੌਕਰ ਨੇ ਤਾਂ ਬੰਨ੍ਹ ਲਏ ਬਿਸਤਰੇ
ਹੋ ਗਿਆ ਗੱਡੀ ਦੇ ਨੇੜੇ
ਮੈਂ ਤੈਨੂੰ ਵਰਜ ਰਹੀ-
ਦਈਂ ਨਾ ਬਾਬਲਾ ਫੇਰੇ

ਗੱਡੀਏ ਨੀ ਤੇਰੇ ਪਹੀਏ ਟੁੱਟ ਜਾਣ

ਚਾਰੇ ਟੁਟ ਜਾਣ ਬਾਹੀਆਂ
ਗੱਭਰੂ ਤੈਂ ਢੋ ਲੇ-
ਨਾਰਾਂ ਦੇਣ ਦੁਹਾਈਆਂ

ਮੇਰੇ ਮਾਹੀ ਦਾ ਵਿਛੋੜਾ ਪਾਇਆ

ਟੁੱਟ ਜਾਏਂ ਰੇਲ ਗੱਡੀਏ

ਪੁੱਤ ਮਰਨ ਬਾਬੂਆ ਤੇਰੇ

ਟਿਕਟਾਂ ਕਿਉਂ ਦਿੱਤੀਆਂ

ਜੇ ਮੁੰਡਿਆ ਸੀ ਭਰਤੀ ਹੋਣਾ

ਵਿਆਹ ਨਹੀਂ ਸੀ ਕਰਵਾਉਣਾ

203 - ਬੋਲੀਆਂ ਦਾ ਪਾਵਾਂ ਬੰਗਲਾ