ਇਹ ਸਫ਼ਾ ਪ੍ਰਮਾਣਿਤ ਹੈ
ਸੱਸ ਮੇਰੀ ਦੇ ਮਾਤਾ ਨਿਕਲੀ
ਮਾਤਾ ਨਿਕਲੀ ਭਾਰੀ
ਸਹੁਰਾ ਮੇਰਾ ਪੂਜਣ ਉੱਠ ਗਿਆ
ਲੈ ਕੇ ਲਾਲ ਫੁਲਕਾਰੀ
ਜੋਤ ਜਗਾਉਂਦੇ ਨੇ
ਦਾੜ੍ਹੀ ਫੂਕਲੀ ਸਾਰੀ
ਬਈ ਚਿੱਟਾ ਗੁੜ ਪੈ ਗਿਆ ਵੰਡਣਾ
ਸੱਸ ਮਰਗੀ
ਸਹੁਰੇ ਦਾ ਹੋ ਗਿਆ ਮੰਗਣਾ
ਬਈ ਚਿੱਟਾ ਗੁੜ ਪੈ ਗਿਆ ਵੰਡਣਾ
ਫਿਰਦਾ ਕਲਫ ਲਾ ਕੇ
ਸੱਸ ਮੇਰੀ ਤਾਂ ਤੀਰਥ ਤੁਰਗੀ
ਲਿਆਇਆ ਨਵੀਂ ਵਿਆਹ ਕੇ
ਕਲਫ ਤਾਂ ਉਹਦਾ ਉਦੋਂ ਉਤਰਿਆ
ਜਦੋਂ ਆਇਆ ਨਹਾ ਕੇ
ਕੁੱਟਿਆ ਸੌਂਕਣ ਨੇ-
ਬਾਪੂ ਜੀ ਨੂੰ ਢਾਹ ਕੇ
ਖੋਲ੍ਹ ਸੁਣਾਵਾਂ ਸਾਰੀ
ਨੂੰਹ ਬਹੂ ਮੁਕਲਾਵੇ ਆਈ
ਫਿਰਦੀ ਹਾਰ ਸ਼ਿੰਗਾਰੀ
ਰਾਜ ਕੌਰ ਸੀ ਨਾਮ ਬਹੂ ਦਾ
ਸੋਹਣੀ ਸ਼ਕਲ ਪਿਆਰੀ
ਬਹੂ ਮੁਟਿਆਰ ਪੁੱਤ ਨਿਆਣਾ
ਨੀਤ ਬੁੜ੍ਹੇ ਨੇ ਧਾਰੀ
ਸੂਰਤ ਰਾਜੋ ਦੀ-
ਹੁਸਨ ਭਰੀ ਪਟਿਆਰੀ
213 - ਬੋਲੀਆਂ ਦਾ ਪਾਵਾਂ ਬੰਗਲਾ
