ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/219

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


ਸੱਸ ਦੇ ਸੰਦੂਕ ਜੰਮਿਆਂ
ਨਾਲ਼ੇ ਦੇਦੂ ਧੀਆਂ ਦੇ ਮੁਕਲਾਵੇ

ਮੇਰੀ ਸੱਸ ਮੁਕਲਾਵੇ ਆਈ

ਪੀਹੜੀ ਉਹਨੂੰ ਮੈਂ ਡਾਹੀ

ਸੱਸ ਚੱਲੀ ਸਹੁਰਿਆਂ ਨੂੰ

ਗਲ਼ ਲੱਗਕੇ ਪੁੱਤਾਂ ਦੇ ਰੋਵੇ

ਸੱਸੀਏ ਨਾ ਰੋ ਨੀ

ਕੁਲ ਛੱਡਣੀ ਮਹੀਨੇ ਢਾਈ

ਸੱਚ ਦੱਸੀਂ ਸੱਸ ਮੇਰੀਏ

ਸਹੁਰੇ ਕਿਹੜੀ ਜੁਗਤ ਨਾਲ਼ ਵਰਤੇ

ਜਿੱਥੇ ਮੇਰੀ ਸੱਸ ਵਰਤੇ

ਓਥੇ ਮੈਂ ਵਰਤੋਂ ਨੀ ਪਾਉਣੀ

ਨਿਮ ਦਾ ਕਰਾਦੇ ਘੋਟਣਾ

ਸੱਸ ਕੁੱਟਣੀ ਸੰਦੂਕਾਂ ਉਹਲ਼ੇ

ਨਿਮ ਦਾ ਕਰਾਦੇ ਘੋਟਣਾ

ਕਿਤੇ ਸੱਸ ਕੁੱਟਣੀ ਪੈ ਜਾਵੇ

ਛੇਤੀ ਛੇਤੀ ਵਧ ਕਿੱਕਰੇ

ਅਸੀਂ ਸੱਸ ਦਾ ਸੰਦੂਕ ਬਣਾਉਣਾ

ਸੱਸਾਂ ਕੀਹਨੇ ਵੇ ਬਣਾਈਆਂ

ਸੱਚੇ ਸਤਗੁਰ ਨੇ ਚੜੇਲਾਂ ਲਾਈਆਂ

ਸੱਸ ਮਰੀ ਦੀ ਮਗਰ ਨੀ ਜਾਣਾ

ਸਹੁਰੇ ਦਾ ਬਬਾਨ ਕੱਢਣਾ


217 - ਬੋਲੀਆਂ ਦਾ ਪਾਵਾਂ ਬੰਗਲਾ