ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/220

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


ਸੱਸੇ ਮੈਨੂੰ ਤਾਂ ਕਰੇਂ ਤਕੜਾਈਆਂ
ਅਪਣੇ ਦਿਨ ਭੁੱਲਗੀ

ਤੈਨੂੰ ਸੱਸ ਦੇ ਮਰੇ ਤੇ ਪਾਵਾਂ

ਸੁਥਣੇ ਸੂਫ ਦੀਏ

ਮਾਏਂ ਨੀ ਮਾਏਂ

ਮੈਨੂੰ ਜੁੱਤੀ ਲਿਆਦੇ
ਹੇਠ ਲਵਾਦੇ ਖੁਰੀਆਂ
ਕਲ੍ਹ ਨੂੰ ਸਹੁਰੀਂ ਜਾਣਾਂ ਨੀ
ਸੱਸਾਂ ਨਨਾਣਾਂ ਬੁਰੀਆਂ

ਨਵੀਂ ਬਹੂ ਮੁਕਲਾਵੇ ਆਈ

ਸੱਸ ਧਰਤੀ ਪੈਰ ਨਾ ਲਾਵੇ
ਲੈ ਨੀ ਨੂੰਹੇਂ ਰੋਟੀ ਖਾ ਲੈ
ਨੂੰਹ ਸੰਗਦੀ ਨਾ ਖਾਵੇ
ਪਿਛਲੇ ਯਾਰ ਦਾ ਕਰਦੀ ਹੇਰਵਾ
ਕੀਹਨੂੰ ਆਖ ਸੁਣਾਵੇ
ਰੋਂਦੀ ਭਾਬੋ ਦੇ-
ਨਣਦ ਬੁਰਕੀਆਂ ਪਾਵੇ

ਮਾਪਿਆਂ ਦੇ ਘਰ ਰੱਖੀ ਲਾਡਲੀ

ਖਾਂਦੀ ਲੱਡੂ ਪੇੜੇ
ਸੱਸੇ ਨੀ ਮੈਨੂੰ ਨੱਚ ਲੈਣਦੇ
ਵੱਜੇ ਢੋਲਕੀ ਗੁਆਂਢੀਆਂ ਦੇ ਵਿਹੜੇ
ਸੱਸੇ ਨੀ ਮੈਨੂੰ ਨੱਚ ਲੈਣਦੇ

ਆ ਸੱਸੇ ਆਪਾਂ ਦੋਵੇਂ ਲੜੀਏ

ਕਰੀਏ ਜੀਭ ਕਰਾਰੀ
ਨੀ ਤੇਰੇ ਜਹੀਆਂ ਲੱਖਾਂ ਲੜੀਆਂ
ਤੇਰੇ ਜਹੀਆਂ ਲੱਖਾਂ ਲੜੀਆਂ
ਮੈਂ ਨਾ ਕਿਸੇ ਤੋਂ ਹਾਰੀ

218 - ਬੋਲੀਆਂ ਦਾ ਪਾਵਾਂ ਬੰਗਲਾ