ਇਹ ਸਫ਼ਾ ਪ੍ਰਮਾਣਿਤ ਹੈ
ਸੱਸੇ ਮੈਨੂੰ ਤਾਂ ਕਰੇਂ ਤਕੜਾਈਆਂ
ਅਪਣੇ ਦਿਨ ਭੁੱਲਗੀ


ਸੁਥਣੇ ਸੂਫ ਦੀਏ


ਮੈਨੂੰ ਜੁੱਤੀ ਲਿਆਦੇ
ਹੇਠ ਲਵਾਦੇ ਖੁਰੀਆਂ
ਕਲ੍ਹ ਨੂੰ ਸਹੁਰੀਂ ਜਾਣਾਂ ਨੀ
ਸੱਸਾਂ ਨਨਾਣਾਂ ਬੁਰੀਆਂ


ਸੱਸ ਧਰਤੀ ਪੈਰ ਨਾ ਲਾਵੇ
ਲੈ ਨੀ ਨੂੰਹੇਂ ਰੋਟੀ ਖਾ ਲੈ
ਨੂੰਹ ਸੰਗਦੀ ਨਾ ਖਾਵੇ
ਪਿਛਲੇ ਯਾਰ ਦਾ ਕਰਦੀ ਹੇਰਵਾ
ਕੀਹਨੂੰ ਆਖ ਸੁਣਾਵੇ
ਰੋਂਦੀ ਭਾਬੋ ਦੇ-
ਨਣਦ ਬੁਰਕੀਆਂ ਪਾਵੇ


ਖਾਂਦੀ ਲੱਡੂ ਪੇੜੇ
ਸੱਸੇ ਨੀ ਮੈਨੂੰ ਨੱਚ ਲੈਣਦੇ
ਵੱਜੇ ਢੋਲਕੀ ਗੁਆਂਢੀਆਂ ਦੇ ਵਿਹੜੇ
ਸੱਸੇ ਨੀ ਮੈਨੂੰ ਨੱਚ ਲੈਣਦੇ


ਕਰੀਏ ਜੀਭ ਕਰਾਰੀ
ਨੀ ਤੇਰੇ ਜਹੀਆਂ ਲੱਖਾਂ ਲੜੀਆਂ
ਤੇਰੇ ਜਹੀਆਂ ਲੱਖਾਂ ਲੜੀਆਂ
ਮੈਂ ਨਾ ਕਿਸੇ ਤੋਂ ਹਾਰੀ
218 - ਬੋਲੀਆਂ ਦਾ ਪਾਵਾਂ ਬੰਗਲਾ