ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/224

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


ਮੁੰਡਿਆ ਰਾਜ਼ੀ ਰਹਿ ਗੁੱਸੇ
ਤੇਰੀ ਮਾਂ ਖੜਕਾਉਣੀ ਆਂ

ਸੱਸੇ ਲੜਿਆ ਨਾ ਕਰ

ਐਵੇਂ ਸੜਿਆ ਨਾ ਕਰ
ਬਹੁਤੀ ਔਖੀ ਹੁੰਦੀ ਤਾਂ
ਸਾਨੂੰ ਅੱਡ ਕਰ ਦੇ
ਸਾਡੇ ਬਾਪ ਦਾ ਜਵਾਈ
ਸਾਡੇ ਵਲ ਕਰਦੇ

ਸੱਸ ਮੇਰੀ ਨੇ ਅੱਡ ਕਰ ਦਿੱਤਾ

ਟੋਭੇ ਉੱਤੇ ਘਰ ਵੇ
ਵਿਚ ਡੱਡੂ ਬੋਲਦੇ
ਮੇਰੇ ਡੁੱਬਣ ਦਾ ਡਰ ਵੇ
ਵਿਚ ਡੱਡੂ ਬੋਲਦੇ

ਸੱਸ ਮੇਰੀ ਨੇ ਅੱਡ ਕਰ ਦਿੱਤਾ

ਦੇ ਕੇ ਸੇਰ ਕੁ ਆਟਾ
ਨੀ ਨਿੱਤ ਕੌਣ ਲੜੇ
ਕੌਣ ਪਟਾਵੇ ਝਾਟਾ

ਸੱਸ ਮੇਰੀ ਨੇ ਅੱਡ ਕਰ ਦਿੱਤਾ

ਦੇ ਕੇ ਕਾਣੀ ਭੇਡ
ਤੈਨੂੰ ਸੰਸਾ ਕਾਹਦਾ
ਜਾ ਮੁੰਡਿਆਂ ਵਿਚ ਖੇਡ

ਸੱਸ ਮੇਰੀ ਨੂੰ ਮਾਤਾ ਨਿਕਲੀ

ਸਹੁਰਾ ਕਰੇ ਦੁਆ
ਨੀ ਮਾਤਾ ਭਾਗ ਭਰੀਏ
ਬੇੜਾ ਬੰਨੇ ਲਾ

222 - ਬੋਲੀਆਂ ਦਾ ਪਾਵਾਂ ਬੰਗਲਾ