ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/226

ਸੱਸ ਮੇਰੀ ਨੇ ਸਕੂਟਰ ਜੰਮਿਆ
ਸਹੁਰੇ ਨੇ ਪਟਰੌਲ
ਆਪਾਂ ਸੈਰ ਕਰਾਂਗੇ
ਦਿੱਲੀ ਤੇ ਲਾਹੌਰ

ਹੋਰ ਜਨੌਰ ਰੋਹੀਏਂ ਚੁਗਦੇ

ਕੀੜੀਆਂ ਚੁਗਦੀਆਂ ਅੱਕਾਂ ਕੋਲ਼
ਨਹੀਂ ਜੀ ਲਗਦਾ ਸੱਸਾਂ ਕੋਲ਼

ਵੀਰ ਮੇਰੇ ਨੇ ਗੰਨੇ ਲਿਆਂਦੇ

ਕੋਠੇ ਚੜ੍ਹਕੇ ਚੂਪਾਂਗੇ
ਸੱਸ ਕੰਜਰੀ ਦਾ
ਸੱਸ ਕੰਜਰੀ ਦਾ
ਘੱਗਰਾ ਫੂਕਾਂਗੇ

ਕਿੱਕਰਾਂ ਵੀ ਲੰਘ ਆਈ

ਬੇਰੀਆਂ ਵੀ ਲੰਘ ਆਈ
ਲੰਘਣੋਂ ਰਹਿ ਗਏ ਝਾਫੇ
ਜੇ ਮੇਰੀ ਸੱਸ ਮਰਜੇ
ਮੈਂ ਦੂਰੋਂ ਕਰਾਂ ਸਿਆਪੇ

ਕਿੱਕਰਾਂ ਵੀ ਲੰਘ ਆਈ

ਬੇਰੀਆਂ ਵੀ ਲੰਘ ਆਈ
ਲੰਘਣੋਂ ਰਹਿ ਗਏ ਤੂਤ
ਜੇ ਮੇਰੀ ਸੱਸ ਮਰਜੇ
ਮੈਂ ਦੂਰੋਂ ਮਾਰਾਂ ਕੂਕ

ਸਹੁਰਾ ਮੇਰਾ ਬੇਰ ਲਿਆਇਆ

ਸਹੁਰਾ ਮੇਰਾ ਬੇਰ ਲਿਆਇਆ
ਛਾਵੇਂ ਬਹਿ ਕੇ ਖਾਵਾਂਗੇ
ਸੱਸ ਮਰੂਗੀ ਤਾਂ ਹਿੜਕ ਚਲਾਵਾਂਗੇ

224 - ਬੋਲੀਆਂ ਦਾ ਪਾਵਾਂ ਬੰਗਲਾ