ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/253

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


ਇਕ ਚੀਜ਼ ਮੈਂ ਮੰਗਦਾ ਤੈਥੋਂ
ਬਿਨ ਮੁੱਲੀ ਬਿਨ ਤੋਲੀ
ਹੱਥ ਜੋੜ ਕੇ ਅਰਜਾਂ ਕਰਦਾ
ਅੱਡ ਖੜੋਤੀ ਝੋਲੀ
ਸੋਹਣੀ ਭਾਬੋ ਦੀ-
ਪਾ ਦਿਆਂ ਗਿੱਧੇ ਵਿਚ ਬੋਲੀ

ਅੱਧੀ ਰਾਤ ਦਾ ਹਲ਼ ਨੀ ਜੋੜਿਆ

ਵਾਹਤਾ ਕਿੱਲੇ ਦਾ ਘੇਰਾ
ਘਰਦੀ ਨਾਰ ਹੁੰਦੀ ਜੇ ਭਾਬੀ
ਦੂਹਰਾ ਮਾਰਦੀ ਗੇੜਾ
ਭਾਬੀ ਅੱਡ ਕਰਦੇ-
ਬਹੁਤ ਦੁਖੀ ਮਨ ਮੇਰਾ

ਵਿਹੜੇ ਦੇ ਵਿਚ ਖੜੀ ਐਂ ਭਾਬੀਏ

ਮੈਂ ਵੀ ਨਿਗਾਹ ਟਕਾਈ
ਨੀ ਤੂੰ, ਤਾਂ ਸਾਨੂੰ ਯਾਦ ਨੀ ਕਰਦੀ
ਮੈਂ ਨੀ ਦਿਲੋਂ ਭੁਲਾਈ
ਤੇਰੇ ਨਖਰੇ ਨੇ-
ਅੱਗ ਕਾਲਜੇ ਲਾਈ

ਭਾਬੀ ਭਾਬੀ ਕਰਦਾ ਭਾਬੀਏ

ਪੜ੍ਹਦਾ ਤੇਰੀ ਬਾਣੀ
ਨਿੱਕੀ ਜਹੀ ਗਲ ਤੋਂ ਪੈ ਗਿਆ ਝਗੜਾ
ਤੰਦ ਤੋਂ ਬਣ ਗਈ ਤਾਣੀ
ਮਰਦੇ ਦੇਵਰ ਦੇ-
ਮੂੰਹ ਵਿਚ ਪਾ ਦੇ ਪਾਣੀ

251 - ਬੋਲੀਆਂ ਦਾ ਪਾਵਾਂ ਬੰਗਲਾ