ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/261

ਹੁਸਨ ਜੁਆਨੀ ਅਰ ਮਾਪੇ
ਤਿੰਨ ਰੰਗ ਨਹੀਂ ਲੱਭਣੇ

ਕਾਲ਼ੇ ਰੰਗ ਦੀ ਵਿਕੇ ਪਨਸੇਰੀ

ਗੋਰਾ ਰੰਗ ਰੱਤੀਏਂ ਵਿਕੇ

ਗੋਰੇ ਰੰਗ ਨੇ ਸਦਾ ਨੀ ਰਹਿਣਾ

ਭਰ ਭਰ ਵੰਡ ਮੁੱਠੀਆਂ

ਰੋੜ੍ਹ ਰੋੜ੍ਹ ਵੇ ਰੱਬਾ

ਇਹਨਾਂ ਸੋਹਣਿਆਂ ਦੀ
ਰੜਕ ਮਰੋੜ ਵੇ ਰੱਬਾ

ਰੱਬਾ ਚੱਕ ਲੈ ਕਿਸੇ ਦੀ ਆਈ

ਬਿਨ ਮੁਕਲਾਈਆਂ ਨੂੰ

ਗੋਰਾ ਰੰਗ ਟਿੱਬਿਆਂ ਦਾ ਰੇਤਾ

ਵਾ ਆਈ ਉਡਜੂਗਾ

ਜਾਂਦਾ ਜੋਬਨ ਦਸ ਨਾ ਗਿਆ

ਚਿੱਠੀ ਕਿਹੜੇ ਸ਼ਹਿਰ ਨੂੰ ਪਾਵਾਂ

ਜਾਂਦੇ ਹੋਏ ਜੋਬਨ ਦੀ

ਉਡਦੀ ਧੂੜ ਨਜ਼ਰ ਨਾ ਆਵੇ

ਦੰਦੀ ਵੱਢੀ ਤੇ ਅੱਖਾਂ ਭਰ ਆਈਆਂ

ਮਾੜੇ ਹੀਏ ਵਾਲ਼ੀਏ ਰੰਨੇ

ਤੇਰੇ ਰੰਗ ਨੇ ਪਤੰਗ ਬਣ ਜਾਣਾ

ਭਰ ਭਰ ਵੰਡ ਮੁੱਠੀਆਂ

259 - ਬੋਲੀਆਂ ਦਾ ਪਾਵਾਂ ਬੰਗਲਾ