ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/265

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


ਨੰਦ ਕੁਰ ਚੰਦ ਕੁਰ ਦੋਨੋਂ ਭੈਣਾਂ
ਚੰਦ ਸੂਰਜ ਦੀਆਂ ਕਿਰਨਾਂ
ਹੁਸਨ ਦੋਹਾਂ ਨੂੰ ਦੇ ਲਿਆ ਰੱਬ ਨੇ
ਖੰਡ ਤੋਂ ਬਣਾ ਲਿਆ ਖੁਰਮਾ
ਅੱਖੀਆਂ ਜਾ ਲੱਗੀਆਂ
ਹੁਣ ਮੁਸ਼ਕਲ ਹੋ ਗਿਆ ਮੁੜਨਾ
ਆਪਣੇ ਯਾਰ ਬਿਨਾਂ-
ਦੋ ਕਰਮਾਂ ਨੀ ਤੁਰਨਾ

ਲੁਕ ਲੁਕ ਲਾਈਆਂ ਪਰਗਟ ਹੋਈਆਂ

ਵੱਜਗੇ ਢੋਲ ਨਗਾਰੇ
ਯਾਰੀ ਤੇਰੀ ’ਚ ਖਟਿਆ ਕੁਸ਼ ਨੀ
ਸੁਣ ਨਮੀਏਂ ਮੁਟਿਆਰੇ
ਅੱਡੀਓਂ ਲੈ ਕੇ ਚੋਟੀ ਤਾਈਂ
ਨਕਸ਼ ਗਿਣ ਦਿਆਂ ਸਾਰੇ
ਸਿਰ ਤੇ ਤੇਰੇ ਸੋਂਹਦਾ ਡੋਰੀਆ
ਕੇਸ ਮੱਖਣ ਦੇ ਪਾਲ਼ੇ
ਮੱਥਾ ਤੇਰਾ ਚੰਨ ਪੁੰਨਿਆਂ ਦਾ
ਪੈਂਦੇ ਨੇ ਚਮਕਾਰੇ
ਸੇਲੀ ਤੇਰੀ ਕਾਲ਼ੇ ਨਾਗ਼ ਦੀ
ਡੰਗ ਇਸ਼ਕ ਦੇ ਮਾਰੇ
ਤੈਂ ਮੈਂ ਮੋਹ ਲਿਆ ਨੀ-
ਕੂੰਜ ਪਤਲੀਏ ਨਾਰੇ

ਆਸ਼ਕ ਆਸ਼ਕ ਨਾ ਕਰਿਆ ਕਰ ਤੂੰ

ਸੁਣ ਲੈ ਆਸ਼ਕ ਦੇ ਝੇੜੇ
ਨਾ ਤਾਂ ਆਸ਼ਕ ਨੇ ਵਿਆਹ ਕਰਵਾਇਆ
ਨਾ ਬੰਨ੍ਹੇ ਨੇ ਸਿਹਰੇ
ਨਾ ਤੇ ਆਸ਼ਕ ਨੇ ਗੱਡੀ ਬੇਦੀ
ਨਾ ਤਾਂ ਲਏ ਨੇ ਫੇਰੇ
ਬਿਨਾਂ ਪੌੜੀਓਂ ਕੋਠੇ ਚੜ੍ਹ ਗਿਆ

263 - ਬੋਲੀਆਂ ਦਾ ਪਾਵਾਂ ਬੰਗਲਾ