ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/277

ਕੋਲ਼ ਸੁਣੀਂਦੀ ਕਾਲ਼ੀ
ਸਿੰਘ ਜੀ ਦੇ ਗੜਵੇ ਦਾ
ਸ਼ਰਬਤ ਵਰਗਾ ਪਾਣੀ
ਮਿੱਤਰਾਂ ਦੀ ਲੂਣ ਦੀ ਡਲ਼ੀ
ਮਿਸ਼ਰੀ ਕਰਕੇ ਜਾਣੀ
ਸੁਰਮਾਂ ਨੌਂ ਰੱਤੀਆਂ
ਵਿਚ ਸੁਰਮੇ ਦੀ ਧਾਰੀ
ਹੇਠ ਬਰੋਟੇ ਦੇ-
ਭਜਨ ਕਰੇ ਸੁਨਿਆਰੀ

ਤੇਰੇ ਤੇ ਮੈਂ ਐਵੇਂ ਭਰਮ ਗਿਆ

ਨੰਗੀਆਂ ਦੇਖ ਕੇ ਬੱਖੀਆਂ
ਜੇ ਮੈਂ ਜਾਣਦਾ ਝਗੜੇ ਪੈਣਗੇ
ਕਾਹਤੋਂ ਲਾਉਂਦਾ ਅੱਖੀਆਂ
ਖੋਹਲ਼ ਸੁਣਾ ਦੇ ਨੀ-
ਕਾਹਤੇ ਦਿਲਾਂ ਵਿਚ ਰੱਖੀਆਂ

ਤੇਰੀ ਮੇਰੀ ਲਗ ਗਈ ਦੋਸਤੀ

ਕਿਉਂ ਲੋਕੀ ਨੇ ਸੜਦੇ
ਗੱਭਲੀ ਗਲ਼ੀ ਵਿਚ ਹੋਣ ਟਾਕਰੇ
ਡਾਂਗ ਦੜਾ ਦੜ ਖੜਕੇ
ਅੱਖੀਆਂ ਪੂੰਝੇਂਂਗੀ-
ਲੜ ਸਾਫੇ ਦਾ ਫੜਕੇ

ਨੰਦੀ ਚੰਦੀ ਦੋਨੋ ਭੈਣਾਂ

ਜ਼ੈਲਦਾਰ ਦੇ ਵਿਆਹੀਆਂ
ਰੋਟੀ ਲੈ ਕੇ ਚੱਲੀਆਂ ਦਿਓਰ ਦੀ
ਓਥੇ ਮਰਨ ਤਿਹਾਈਆਂ
ਰੋਹੀ ਦੇ ਵਿਚ ਖੂਹ ਸੁਣੀਂਦਾ
ਓਥੇ ਤੁਰ ਕੇ ਆਈਆਂ
ਗੜਵੀ ਲਿਆ ਮਿੱਤਰਾ-
ਕੂੰਜਾਂ ਮਰਨ ਤਿਹਾਈਆਂ

275- ਬੋਲੀਆਂ ਦਾ ਪਾਵਾਂ ਬੰਗਲਾ