ਇਹ ਪੰਨਾ ਪ੍ਰਮਾਣਿਤ ਕੀਤਾ ਗਿਆ ਹੈ
ਜਿਹੜੀਆਂ ਜ਼ੁਬਾਨੋਂ ਪੱਕੀਆਂ
ਖੋਲ੍ਹ ਸੁਣਾ ਦੇ ਨੀ-
ਕਾਹਨੂੰ ਦਿਲਾਂ ਵਿਚ ਰੱਖੀਆਂ
ਲੱਡੂ ਕਿਹੜੇ ਦੇਸ ’ਚੋਂ ਲਿਆਵਾਂ
ਪੁੱਛ ਲੈ ਬਾਣੀਏਂ ਨੂੰ
ਕੀ ਲੱਡੂਆਂ ਦਾ ਨਾਮਾ
ਚੱਕ ਲੈ ਲੱਡੂਆਂ ਨੂੰ
ਮੈਂ ਤੇਰਾ ਨਮਕ ਨਾ ਖਾਵਾਂ
ਮਿੱਤਰਾ ਗ਼ਮ ਨਾ ਕਰੀਂ-
ਮੈਂ ਸਹੁਰੀਂ ਕਦੇ ਨਾ ਜਾਵਾਂ
ਹੌਲਦਾਰ ਨੂੰ ਵਿਆਹੀਆਂ
ਰੋਟੀ ਲੈ ਕੇ ਚੱਲੀਆਂ ਹੌਲਦਾਰ ਦੀ
ਰਾਹ ਵਿਚ ਮਰਨ ਤਿਹਾਈਆਂ
ਗੜਵੀ ਭਰ ਮਿੱਤਰਾ-
ਕੂੰਜਾਂ ਮਰਨ ਤਿਹਾਈਆਂ
ਧੜੇ ਬਿਗਾਨੇ ਚੜ੍ਹਕੇ
ਭਾਈਆਂ ਉਹਦਿਆਂ ਨੂੰ ਹੋਗੀਆਂ ਖ਼ਬਰਾਂ
ਆ ਗੇ ਡਾਂਗਾਂ ਫੜ ਕੇ
ਯਾਰੀ ਵਾਲ਼ਿਆਂ ਦੇ
ਸਿਰ ਤੇ ਗੰਡਾਸੀ ਖੜ ਕੇ
ਤੈਨੂੰ ਰੱਖਦੀ ਕੰਤ ਨਾਲ਼ੋਂ ਪਿਆਰਾ
ਕੰਤ ਮੇਰੇ ਨੇ ਕੁਝ ਨੀ ਦੇਖਿਆ
ਤੂੰ ਰਸ ਲੈ ਗਿਆ ਸਾਰਾ
ਕੂੰਜ ਕੁਰਲਾਉਂਦੀ ਨੂੰ-
ਮਿਲਜਾ ਸੁਹਣਿਆਂ ਯਾਰਾ
278 - ਬੋਲੀਆਂ ਦਾ ਪਾਵਾਂ ਬੰਗਲਾ
