ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/282

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


ਮੇਰਾ ਯਾਰ ਚੰਬੇ ਦੀ ਮਾਲਾ਼

ਰੱਬਾ ਲਗ ਨਾ ਕਿਸੇ ਨੂੰ ਜਾਵੇ
ਗੁੜ ਨਾਲੋਂ ਇਸ਼ਕ ਮਿੱਠਾ

ਜੀਹਨੇ ਲਾਈ ਨੀ ਦੇਖ ਲੋ ਲਾ ਕੇ

ਯਾਰੀ ਵਿਚੋਂ ਦੁੱਖ ਨਿਕਲੇ਼

ਤੂੰਬਾ ਬਜਦਾ ਨਾ ਤਾਰ ਬਿਨਾਂ

ਦਿਲ ਮਿਲ਼ਦੇ ਨਾ ਪਿਆਰ ਬਿਨਾਂ

ਜੀਹਨੇ ਲਾਈ ਨੀ ਦੇਖ ਲੋ ਲਾ ਕੇ

ਬੜੇ ਦੁੱਖ ਯਾਰੀਆਂ ਦੇ

ਕੀ ਲੈ ਲਿਆ ਇਸ਼ਕ ਗਲ਼ ਪਾ ਕੇ

ਜਿੰਦੜੀ ਨੂੰ ਰੋਗ ਲਾ ਲਿਆ

ਨੀਂਦ ਹੈਨੀ ਰਾਤ ਦਿਆਂ ਚੋਰਾਂ

ਭੁੱਖ ਹੈਨੀ ਆਸ਼ਕਾਂ ਨੂੰ

ਰਾਤੀਂ ਨੀਦ ਨਾ ਦੁਪਿਹਰੀਂ ਟੇਕ ਆਵੇ

ਰੰਨਾਂ ਦਿਆਂ ਆਸ਼ਕਾਂ ਨੂੰ

ਕੱਚਿਆਂ ਤੇ ਤਰ ਡੁੱਬਦੇ

ਅੱੱਗ ਪਿਆਰ ਦੀ ਜਿਨ੍ਹਾਂ ਦੇ ਸੀਨੇ ਧੜਕੇ

ਯਾਰੀ ਤਾਂ ਫੱਬਦੀ

ਦਿਲ ਹੋਏ ਜੇ ਪਹਾੜਾਂ ਵਰਗਾ

ਯਾਰੀ ਲਾਈਏ ਤਾਂ ਤੋੜ ਨਭਾਈਏ

ਹੱਸ ਕੇ ਨਾ ਬਾਂਹ ਫੜੀਏ

280- ਬੋਲੀਆਂ ਦਾ ਪਾਵਾਂ ਬੰਗਲਾ