ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/288

ਐਵੇਂ ਦੋ ਕਲਬੂਤ ਬਣਾਏ
ਤੇਰੀ ਮੇਰੀ ਇਕ ਜਿੰਦੜੀ

ਤੈਨੂੰ ਤਾਪ ਚੜ੍ਹੇ ਮੈਂ ਹੂੰਗਾਂ

ਤੇਰੀ ਆਈ ਮੈਂ ਮਰਜਾਂ

ਤੇਰਾ ਵਾਲ਼ ਵਿੰਗਾ ਨਾ ਹੋਵੇ

ਤੇਰੀ ਆਈ ਮੈਂ ਮਰਜਾਂ

ਲੋਕਾਂ ਭਾਣੇ ਕੱਢਾਂ ਗਾਲ਼ੀਆਂ

ਤੈਨੂੰ ਦੇਖ ਕੇ ਖੰਨਾ ਟੁੱਕ ਖਾਵਾਂ

ਤੇਰਾ ਕੁਛ ਨਾ ਦੁਖੇ ਮੁੱਟਿਆਰੇ

ਤੇਰੀ ਆਈ ਮੈਂ ਮਰਜਾਂ

ਤੈਨੂੰ ਬਦੀ ਨਾ ਨੰਦ ਕੁਰੇ ਕੋਈ

ਮਿੱਤਰਾਂ ਨੂੰ ਨਿਤ ਬਦੀਆਂ

ਦੰਦੀ ਵੱਢ ਲੈ ਜਿਗਰੀਆ ਯਾਰਾ

ਕਹਿ ਦੂੰਗੀ ਭਰਿੰਡ ਲੜਗੀ

ਉਠ ਖੜ ਰਾਜ ਕੁਰੇ

ਨਬਜਾਂ ਦੇਖਣ ਪਿਆਰੇ

ਦਰਸਣ ਸਜਣਾਂ ਦੇ

ਲਗਦੇ ਤੀਰਥਾਂ ਵਰਗੇ

ਤੈਨੂੰ ਚੰਦ ਦੇ ਬਹਾਨੇ ਦੇਖਾਂ

ਕੋਠੇ ਉੱਤੇ ਚੜ੍ਹ ਮਿੱਤਰਾ

ਤੈਨੂੰ ਹਾਰ ਬਣਾ ਕੇ ਗਲ਼ ਪਾਵਾਂ

ਕੋਠੇ ਉਤੇ ਆ ਜਾ ਮਿੱਤਰਾ

286 - ਬੋਲੀਆਂ ਦਾ ਪਾਵਾਂ ਬੰਗਲਾ