ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/292

ਕਿਹੜੇ ਯਾਰ ਦਾ ਤੱਤਾ ਦੁੱਧ ਪੀਤਾ
ਸੜ ਗਈਆਂ ਲਾਲ ਬੁੱਲ੍ਹੀਆਂ

ਕੁੱਤੀ ਮਰਜੇ ਗੁਆਂਢਣੇ ਤੇਰੀ

ਗਲ਼ੀ ਵਿਚੋਂ ਯਾਰ ਮੋੜਿਆ

ਹੱਥੀਂ ਯਾਰ ਵਿਦਾ ਨਾ ਕੀਤਾ

ਦਿਲ ਵਿਚ ਰੋਸ ਰਹਿ ਗਿਆ

ਗਲ਼ ਲੱਗ ਕੇ ਯਾਰ ਦੇ ਰੋਈ

ਮਾਪਿਆਂ ਝਿੜਕ ਦਿੱਤੀ

ਮੇਰੀ ਸੱਸ ਭਰਮਾਂ ਦੀ ਮਾਰੀ

ਹੱਸ ਕੇ ਨਾ ਲੰਘ ਵੈਰੀਆ

ਫੋਟੋ ਤੇਰੀ ਨੂੰ

ਨਿੱਤ ਉਠਕੇ ਕਾਲਜੇ ਲਾਵਾਂ

ਝੂਠੀ ਪੈਗੀ ਬਚਨਾਂ ਤੋਂ

ਮੱਥੇ ਯਾਰ ਦੇ ਲੱਗਿਆ ਨਾ ਜਾਵੇ

ਸੁਫਨੇ ’ਚ ਪੈਣ ਜੱਫੀਆਂ

ਅੱਖ ਖੁਲ੍ਹੀ ਤੇ ਨਜ਼ਰ ਨਾ ਆਇਆ

ਕੁੱਲੀ ਯਾਰ ਦੀ ਸੁਰਗ ਦਾ ਝੂਟਾ

ਅੱਗ ਲੱਗੇ ਮੰਦਰਾਂ ਨੂੰ

ਜਿੰਦ ਯਾਰ ਦੇ ਮੰਜੇ ਤੇ ਨਿਕਲੇ

ਸੁਰਗਾਂ ਨੂੰ ਜਾਣ ਹੱਡੀਆਂ

290 - ਬੋਲੀਆਂ ਦਾ ਪਾਵਾਂ ਬੰਗਲਾ