ਇਹ ਸਫ਼ਾ ਪ੍ਰਮਾਣਿਤ ਹੈ
ਆਰੀ ਆਰੀ ਆਰੀ
ਗ਼ਮ ਨੇ ਖਾਧੀ ਗ਼ਮ ਨੇ ਪੀਤੀ
ਗ਼ਮ ਦੀ ਕਰੋ ਨਿਹਾਰੀ
ਕੋਠੇ ਚੜ੍ਹਕੇ ਦੇਖਣ ਲੱਗੀ
ਲੱਦੇ ਆਉਣ ਵਪਾਰੀ
ਉਤਰਨ ਲੱਗੀ ਦੇ ਲੱਗਿਆ ਕੰਡਾ
ਹੋ ਗੀ ਰੋਗਣ ਭਾਰੀ
ਗੱਭਣਾਂ ਤੀਵੀਆਂ ਨੱਚਣੋਂ ਰਹਿਗੀਆਂ
ਫੰਡਰਾਂ ਦੀ ਆ ਗੀ ਬਾਰੀ
ਅਲ਼ਕ ਵਹਿੜਕੇ ਚਲਣੋਂ ਰਹਿ ਗੇ
ਕੰਨ੍ਹਿਓਂ ਸੁੱਟੀ ਪੰਜਾਲੀ
ਮੂਹਰੇ ਹੱਟ ਬਾਣੀਏਂ ਦੀ
ਮਗਰ ਰੰਗੇ ਲਲਾਰੀ
ਪਹਿਲਾਂ ਮੇਰੀ ਕੁੜਤੀ ਡੋਬ ਦੇ
ਮਗਰੋਂ ਡੋਬ ਫੁਲਕਾਰੀ
ਦਾਤਣ ਸੱਪ ਵਰਗੀ-
ਦਾਤਣ ਕਰੇ ਕੰਵਾਰੀ
ਅਵਤਾਰ ਸਿੰਘ ਸੂਜਾ ਪੁਰੀਆ
ਜੀਹਨੂੰ ਰਿਜਕ ਲੱਗਿਆ ਸਰਕਾਰੀ
ਅਲ਼ਕ ਵਹਿੜਕੇ ਚਲਣੋਂ ਰਹਿਗੇ
ਕੰਨ੍ਹਿਓਂ ਸਿੱਟੀ ਪੰਜਾਲ਼ੀ
ਬੀਬੋ ਭੱਟੀਆਂ ਦੀ
ਜਿਹੜੀ ਹੈਗੀ ਵੈਲਣ ਭਾਰੀ
ਗੱਭਣਾਂ ਤੀਵੀਆਂ ਨੱਚਣੋ ਰਹਿ ਗੀਆਂ
ਫੰਡਰਾਂ ਦੀ ਆਈ ਬਾਰੀ
ਬਚਨਾ ਨਜਾਮ ਪੁਰੀਆ
ਜੀਹਨੇ ਪੁਲਸ ਕੁੱਟੀ ਸੀ ਸਾਰੀ
ਤੜਕਿਓਂ ਭਾਲੇਂਗਾ-
ਨਰਮ ਕਾਲ਼ਜੇ ਵਾਲੀ
313- ਬੋਲੀਆਂ ਦਾ ਪਾਵਾਂ ਬੰਗਲਾ
