ਇਹ ਪੰਨਾ ਪ੍ਰਮਾਣਿਤ ਕੀਤਾ ਗਿਆ ਹੈ
ਆਰੀ ਆਰੀ ਆਰੀ
ਘਰਦਿਆਂ ਫਿਕਰਾਂ ਤੋਂ
ਪਾਟੀ ਲਈ ਸਲਾਰੀ
ਸੁਆਲੀ ਬਾਹਰ ਖੜ੍ਹੇ
ਕਢਣੋਂਂ ਪਈ ਫੁਲਕਾਰੀ
ਮੈਂ ਕਿਹੜਾ ਮੁਕਰੀ ਤੀ
ਮੇਰੀ ਕੁੜਤੀ ਪੰਜਾਂ ਦੀ ਪਾੜੀ
ਤੜਕਿਉਂ ਭਾਲ਼ੇਂਗਾ
ਨਰਮ ਕਾਲ਼ਜੇ ਆਲ਼ੀ
ਦਾਰੂ ਪੀ ਕੇ ਹੋ ਜਾ ਤਕੜਾ
ਮੈਂ ਕੱਚਿਆਂ ਦੁੱਧਾਂ ਦੀ ਪਾਲ਼ੀ
ਕੀ ਘੁੱਟ ਦਾਰੂ ਦੀ
ਮੇਰੀ ਸਤਿਆ ਸੂਤ ਲਈ ਸਾਰੀ
ਘੜਾ ਨਾ ਚੁਕਾਇਓ ਕੁੜੀਓ
ਇਹਦੀ ਪਿੰਡ ਦੇ ਮੁੰਡੇ ਨਾਲ਼ ਯਾਰੀ
ਭਬਕੇ ਦੇ ਬੂ ਵਿਆਹ ਤੀ
ਕਣਕ ਵੇਚ ਗਿਆ ਸਾਰੀ
ਫੁੱਲ ਬਘਿਆੜੀ ਦੇ-
ਮੋਢਿਆਂ ਦੀ ਸਰਦਾਰੀ
ਉਹ ਤੇਰੀ ਕੀ ਲੱਗਦੀ
ਜੀਹਨੇ ਕੋਠੇ ਤੇ ਖੜੀ ਨੇ ਅੱਖ ਮਾਰੀ
ਅੱੱਧੀ ਮੇਰੀ ਰੰਨ ਲੱਗਦੀ
ਅੱਧੀ ਲੱਗਦੀ ਧਰਮ ਦੀ ਸਾਲ਼ੀ
ਮੁੱਠੀਆਂ ਮੀਚ ਗਈ-
ਝਾਕਾ ਦੇਣ ਦੀ ਮਾਰੀ
ਕੱਤਣੀ ਨੂੰ ਫੁੱਲ ਲਗਦੇ
ਕੀਤੀ ਕਿਥੋਂ ਦੀ ਪਟ੍ਹੋਲਿਆ ਤਿਆਰੀ
ਲੰਮੀ ਗਲ਼ੀ ਕੱਤਣ ਚੱਲੀ
315- ਬੋਲੀਆਂ ਦਾ ਪਾਵਾਂ ਬੰਗਲਾ
