ਇਹ ਪੰਨਾ ਪ੍ਰਮਾਣਿਤ ਕੀਤਾ ਗਿਆ ਹੈ
ਫੇਲ ਕਰਾਤਾ ਨੀ-
ਤੈਂ ਲੰਬੀਏ ਮੁਟਿਆਰੇ
ਸੁੱਥਣ ਸਮਾਈ ਸੂਫ ਦੀ
ਵਿੱਚ ਸੱਪ ਦੇ ਬੱਚੇ ਦਾ ਨਾਲ਼ਾ
ਬਈ ਧੁੱਪ ਵਾਂਗੂੰ ਚਮਕਦੀਏ
ਤੇਰੇ ਮਾਹੀ ਦਾ ਸੁਣੀਂਦਾ ਰੰਗ ਕਾਲ਼ਾ
ਬਿਸਨੀ ਬਜਾਵੇ ਟੱਲੀਆਂ
ਕਿਸ਼ਨਾ ਫੇਰਦਾ ਮਾਲ਼ਾ
ਨੀ ਮੌਜ ਫਕੀਰਾਂ ਦੀ-
ਧੰਦ ਪਿੱਟਦਾ ਤੀਵੀਆਂ ਵਾਲਾ
ਇਸ਼ਕੇ ਦੀ ਪੀੜ ਬੁਰੀ
ਜੀਹਨੂੰ ਲਗਦੀ ਜਾਣਦਾ ਸੋਈ
ਲੁਕ ਛਿਪ ਮਿਲ਼ ਮਿੱਤਰਾ
ਕਿਉਂ ਕਰਦੈਂ ਮੇਰੀ ਬਦਖੋਈ
ਅੱਖਾਂ ਮੂਰ੍ਹੇ ਵਸਦੀ ਰਹਿ
ਹੱਥ ਜੋੜਕੇ ਕਰਾਂ ਅਰਜ਼ੋਈ
ਨੀ ਭੁੱਖ ਤੇਰੇ ਦਰਸਨ ਦੀ-
ਮੇਰੀ ਹੋਰ ਨਾ ਤ੍ਰਿਸ਼ਨਾ ਕੋਈ
319 - ਬੋਲੀਆਂ ਦਾ ਪਾਵਾਂ ਬੰਗਲਾ
