ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/331

ਚਿੱਟੀ ਚੁਆਨੀ ਚਾਂਦੀ ਦੀ
ਜੈ ਬੋਲੋ ਮਹਾਤਮਾ ਗਾਂਧੀ ਦੀ

ਜਦੋਂ ਗੱਜਿਆ ਰਾਵੀ ਤੇ ਨਹਿਰੂ

ਫਰੰਗੀਆਂ ਦਾ ਰਾਜ ਡੋਲਿਆ

ਬੜਾ ਲੁੱਟਿਆ ਬਦੇਸ਼ੀਆਂ ਸਾਨੂੰ

ਹੁਣ ਸਾਡੀ ਅੱਖ ਖੁਲ੍ਹਗੀ

ਘਰ ਘਰ ਪੁੱਤ ਜੰਮਦੇ

ਭਗਤ ਸਿੰਘ ਨੀ ਕਿਸੇ ਬਣ ਜਾਣਾ

ਗੋਰਿਆਂ ਦੀ ਰੇਲ ਚਲਦੀ

ਫਰੰਗੀਆਂ ਦੇ ਚਲਦੇ ਜੱਕੇ

ਸਾਡੇ ਲੀਡਰਾਂ ਦੇ ਪਲੰਘ ਨਮਾਰੀ

ਟੋਡੀਆਂ ਦੀ ਬਾਣ ਦੀ ਮੰਜੀ

ਗੋਲ਼ੀ ਖਾਧੀ ਚਿਤਲੇ ਬਚਾਇਆ

ਕਾਮਰੇਡ ਕਰਨੈਲ ਸਿੰਘ ਨੇ

ਧਰਤੀ ਜਾਗ ਪਈ

ਪਾਊ ਜਿੱਤ ਲੁਕਾਈ

ਏਕਾ ਜਨਤਾ ਦਾ

ਲੋਕ ਰਾਜ ਦੀ ਕੁੰਜੀ

329 - ਬੋਲੀਆਂ ਦਾ ਪਾਵਾਂ ਬੰਗਲਾ