ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/45

ਮੱਕੀ
ਦਾਣੇ ਚੱਬ ਲੈ ਪਤੀਲੇ ਦਿਆ ਢੱਕਣਾ
ਰੋਟੀ ਮੇਰਾ ਯਾਰ ਖਾ ਗਿਆ

ਪੱਲਾ ਕੀਤਾ ਲੱਡੂਆਂ ਨੂੰ

ਪੱਟੂ ਸੁੱਟ ਗਿਆ ਮੱਕੀ ਦੇ ਦਾਣੇ

ਲੈ ਲੈ ਛੱਲੀਆਂ ਭਨਾ ਲੈ ਦਾਣੇ

ਘਰ ਤੇਰਾ ਦੂਰ ਮਿੱਤਰਾ

ਕਿਸੇ ਗਲ ਤੋਂ ਯਾਰ ਪਰਤਿਆਈਏ

ਛੱਲੀਆਂ ਤੇ ਰੁਸ ਨਾ ਬਹੀਏ

ਛੜੇ ਪੈਣਗੇ ਮੱਕੀ ਦੀ ਰਾਖੀ

ਰੰਨਾਂ ਵਾਲ਼ੇ ਘਰ ਪੈਣਗੇ

ਮੇਰਾ ਯਾਰ ਮੱਕੀ ਦਾ ਰਾਖਾ

ਡੱਬ ਵਿਚ ਲਿਆਵੇ ਛੱਲੀਆਂ

ਮੇਰੇ ਯਾਰ ਨੇ ਖਿੱਲਾਂ ਦੀ ਮੁਠ ਮਾਰੀ

ਚੁਗ ਲੌੌ ਨੀ ਕੁੜੀਓ

ਯਾਰੀ ਝਿਊਰਾਂ ਦੀ ਕੁੜੀ ਨਾਲ਼ ਲਾਈਏ

ਤੱਤੀ ਤੱਤੀ ਖਿਲ ਚੰਬੀਏ

ਅਸੀਂ ਤੇਰੇ ਨਾ ਚੱਬਣੇ

ਖੁਸ਼ਕ ਮੱਕੀ ਦੇ ਦਾਣੇ

ਜੇ ਜੱਟੀਏ ਜੱਟ ਕੁਟਣਾ ਹੋਵੇ

ਸੁੱਤੇ ਪਏ ਨੂੰ ਕੁਟੀਏ
ਵੱਖੀ ’ਚ ਉਹਦੇ ਲੱਤ ਮਾਰ ਕੇ
ਹੇਠ ਮੰਜੇ ਤੋਂ ਸੁੱਟੀਏ

43 - ਬੋਲੀਆਂ ਦਾ ਪਾਵਾਂ ਬੰਗਲਾ