ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/55

ਰਾਂਝਾ ਦੂਰ ਖੜਾ
ਦੂਰ ਖੜਾ ਦੁੱਖ ਪੁੱਛੇ

ਚਿੱਤ ਬੱਕਰੀ ਲੈਣ ਨੂੰ ਕਰਦਾ

ਬੰਨੇ ਬੰਨੇ ਲਾ ਦੇ ਬੇਰੀਆਂ

ਬੇਰੀਆਂ ਦੇ ਬੇਰ ਮੁਕਗੇ

ਦਸ ਕਿਹੜੇ ਮੈਂ ਬਹਾਨੇ ਆਵਾਂ

ਬੇਰੀਆਂ ਦੇ ਬੇਰ ਪੱਕਗੇ

ਰੁਤ ਯਾਰੀਆਂ ਲਾਉਣ ਦੀ ਆਈ

ਮਿੱਠੇ ਬੇਰ ਸੁਰਗ ਦਾ ਮੇਵਾ

ਕੋਲ਼ੋਂ ਕੋਲ਼ ਬੇਰ ਚੁਗੀਏ

ਮਿੱਠੇ ਯਾਰ ਦੇ ਬਰੋਬਰ ਬਹਿਕੇ

ਮਿੱਠੇ ਮਿੱਠੇ ਬੇਰ ਚੁਗੀਏ

ਮਿੱਠੇ ਬੇਰ ਬੇਰੀਏ ਤੇਰੇ

ਸੰਗਤਾਂ ਨੇ ਇੱਟ ਮਾਰਨੀ

ਭਾਬੀ ਤੇਰੀ ਗਲ੍ਹ ਵਰਗਾ

ਮੈਂ ਬੇਰੀਆਂ ਚੋਂ ਬੇਰ ਲਿਆਂਦਾ

ਬੇਰੀਆਂ ਦੇ ਬੇਰ ਖਾਣੀਏਂ

ਗੋਰੇ ਰੰਗ ਤੇ ਝਰੀਟਾਂ ਆਈਆਂ

ਬੇਰੀਆਂ ਨੂੰ ਬੇਰ ਲੱਗਗੇ

ਤੈਨੂੰ ਕੁਝ ਨਾ ਲੱਗਾ ਮੁਟਿਆਰੇ

53 - ਬੋਲੀਆਂ ਦਾ ਪਾਵਾਂ ਬੰਗਲਾ