ਇਹ ਪੰਨਾ ਪ੍ਰਮਾਣਿਤ ਕੀਤਾ ਗਿਆ ਹੈ
ਛੱਲਾ
ਭੱਤਾ ਲੈ ਕੇ ਚੱਲੀ ਖੇਤ ਨੂੰ
ਸਿਰ ਤੇ ਲੈ ਕੇ ਪੱਲਾ
ਚੌਧਰੀਆਂ ਦਾ ਮੁੰਡਾ ਮਿਲ਼ ਗਿਆ
ਉਹ ਵੀ ਕੱਲਮ ਕੱਲਾ
ਨਾ ਨਾ ਕਰਦੀ ਰਹਿਗੀ
ਖੋਹ ਕੇ ਲੈ ਗਿਆ ਛੱਲਾ
ਹਾਏ ਨੀ ਮੇਰੀ ਅੱਲਾ ਅੱਲਾ
ਤਾਵੇ ਤਾਵੇ ਤਾਵੇ
ਡੰਡੀਆ ਕਰਾ ਦੇ ਮਿੱਤਰਾ
ਜੀਹਦੇ ਵਿਚ ਦੀਂ ਮੁਲਖ ਲੰਘ ਜਾਵੇ
ਡੰਡੀਆਂ ਦਾ ਭਾਅ ਸੁਣ ਕੇ
ਮੁੰਡਾ ਚਿੱਤੜ ਝਾੜਦਾ ਜਾਵੇ
ਗਿਝੀ ਹੋਈ ਲੱਡੂਆਂ ਦੀ
ਰੰਨ ਦਾਲ਼ ਫੁਲਕਾ ਨਾ ਖਾਵੇ
ਪਤਲੋ ਦੀ ਠੋਡੀ ਤੇ-
ਲੌਂਗ ਚਾਂਬੜਾਂ ਪਾਵੇ
ਗੱਲ੍ਹਾਂ ਗੋਰੀਆਂ ਚਿਲਕਣੇ ਬਾਲ਼ੇ
ਬਚਨੋ ਵੈਲਣ ਦੇ
ਝਾਕਾ ਲੈਗੀ ਨਥ ਮੱਛਲੀ
ਸੱਗੀ ਫੁੱਲ ਸਰਕਾਰੀ ਗਹਿਣਾ
ਤੀਲੀ ਲੌਂਗ ਕੰਜਰਾਂ ਦੇ
77 - ਬੋਲੀਆਂ ਦਾ ਪਾਵਾਂ ਬੰਗਲਾ
