ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
(੪੨)
ਪਿਆਸਿਆਂ ਨੂੰ ਜਲ ਪਾਣੀ।
ਨੰਗਿਆਂ ਨੂੰ ਤੂੰ ਦੇਵੇਂ ਕੱਪੜਾ,
ਤੁਰਤ ਲਹਾ ਕੇ ਤਾਣੀ।
ਆਪਣੇ ਸੇਵਕ ਦਾ,
ਬਹੁਤਾ ਕਰਕੇ ਜਾਣੀਂ।
ਬਾਕੀ ਸਾਰੇ-(ਗਿੱਧਾ ਪਾ ਕੇ)
ਆਪਣੇ ਸੇਵਕ ਦਾ,
ਬਹੁਤਾ ਕਰਕੇ ਜਾਣੀਂ।
ਪ੍ਰੀਤੂ---ਪਈ ਲੜੀ ਵਾਲੀਆਂ ਬੋਲੀਆਂ ਫੇਰ ਪਾਵਾਂਗੇ, ਪਹਿਲਾਂ
ਮੈਂ ਬੱਲੇ ਬੱਲੇ ਵਾਲੀ ਗਜਲ ਤੋਂ ਡਹਿੰਦਾ।
[ਚਾਦਰ ਨੂੰ ਸੱਜੇ ਹੱਥ ਨਾਲ
ਉਤਾਂਹ ਚੁੱਕ ਕੇ ਬੋਲਦਾ ਏ]
ਬੱਲੇ ਬੱਲੇ ਪਈ ਲੰਮੀ ਸੀਹਟੀ ਮਾਰ ਮਿੱਤਰਾ।
ਬਾਕੀ ਸਾਰੇ---ਬੱਲੇ ਬੱਲੇ ਪਈ ਲੰਮੀ ਸੀਟੀ ਮਾਰ ਮਿੱਤਰਾ।
ਪ੍ਰੀਤੂ---- ਘਰ ਭੁੱਲ ਗਈ ਮੋੜ ਤੇ ਆ ਕੇ,
ਪਈ ਲੰਮੀ ਸੀਟੀ ਮਾਰ ਮਿੱਤਰਾ।
ਬਾਕੀ ਸਾਰੇ---(ਉਹੀ ਬੋਲਦੇ ਨੇ)
ਪ੍ਰੀਤੂ---- ਬੱਲੇ ਬੱਲੇ ਪਈ ਦੁਧ ਪੀ ਕੇ ਜਾਈਂ ਰੱਖੀਏ।
ਬਾਕੀ ਸਾਰੇ---ਬੱਲੇ ਬੱਲੇ ਪਈ ਦੁਧ ਪੀ ਕੇ ਜਾਈਂ ਰੱਖੀਏ।
ਪ੍ਰੀਤੂ----ਹਾਕਾਂ ਮਾਰਦੇ ਬੱਕਰੀਆਂ ਵਾਲੇ,
ਪਈ ਦੁਧ ਪੀ ਕੇ ਜਾਈਂ ਰੱਖੀਏ।
ਬਾਕੀ ਸਾਰੇ---(ਉਹੀ ਬੋਲਦੇ ਨੇ)
