ਪੰਨਾ:ਮਹਿੰਦੀ ਸ਼ਗਨਾਂ ਦੀ - ਸੁਖਦੇਵ ਮਾਦਪੁਰੀ.pdf/159

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


6.
ਸਾਡੇ ਵੀ ਗੋਰੇ ਛੱਪੜੀ
ਉਪਰ ਤਰੇਂਦੇ ਵਿੱਢ
ਤੇਰੇ ਨਾਲ਼ ਹਰਾ ਕੀ ਲਾਵਾਂ
ਤੇਰਾ ਭੜੋਲੇ ਵਰਗਾ ਢਿੱਡ

7.
ਗੱਡਾ ਵੀ ਜਾਂਦਾ ਰੜੇ ਰੜੇ
ਕੋਈ ਗੱਡੀ ਜਾਵੇ ਲੀਹ
ਜੇ ਤੈਨੂੰ ਹੇਰਾ ਨਾ ਆਵੇ
ਮੇਰੀ ਚੱਕੀ ਬੈਠ ਕੇ ਪੀਹ

8.
ਚੱਕੀ ਵੀ ਤੇਰੀ ਭੰਨ ਸਿੱਟਾਂ
ਟੁਕੜੇ ਕਰਦੀ ਚਾਰ
ਖਸਮ ਤੇਰੇ ਨੂੰ ਵੇਚ ਕੇ
ਤੈਨੂੰ ਲਜਾਵਾਂ ਆਪਣੇ ਨਾਲ਼

9.
ਬੋਹੀਆ ਵੀ ਮੇਰਾ ਬਾਂਸ ਦਾ
ਨੌਂ ਛਟੀਆਂ ਦੀ ਬਾੜ
ਜੇ ਤੈਨੂੰ ਹੇਰਾ ਨਾ ਆਵੇ
ਤੂੰ ਬਣ ਮੇਰੇ ਕੰਤ ਦੀ ਨਾਰ

10.
ਹਰੀਆਂ ਵੀ ਚੜ੍ਹਾਵਾਂ ਚੂੜੀਆਂ
ਪੀਲੇ ਲਗਾਵਾਂ ਬੰਦ
ਤੇਰੇ ਨਾਲ ਹੇਰਾ ਕੀ ਲਾਵਾਂ
ਤੇਰੇ ਧੁਨਖੀ ਖਾਧੇ ਦੰਦ

ਮਹਿੰਦੀ ਸ਼ਗਨਾਂ ਦੀ 163