ਪੰਨਾ:ਮਹਿੰਦੀ ਸ਼ਗਨਾਂ ਦੀ - ਸੁਖਦੇਵ ਮਾਦਪੁਰੀ.pdf/174

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਲਾਲਾਂ ਦੀ ਮੈਂ ਲਾਲੜੀ

75.
ਅੰਦਰ ਵੀ ਤਲ਼ੀਆਂ ਦੇ ਰਹੀ
ਡਿਓਢੀ ਕਰਾਂ ਛੜਕਾਓ
ਬਹੂ ਬੰਨੇ ਨੂੰ ਦੇਖ ਕੇ
ਮੇਰਾ ਸੀਤਲ ਹੋ ਗਿਆ ਜੀਓ

76.
ਸੋਨੇ ਦੀ ਮੇਰੀ ਆਰਸੀ
ਸ਼ੀਸ਼ਾ ਜੜਿਆ ਗੁਜਰਾਤ
ਮੂਰਖ ਪੱਲੈ ਪੈ ਗਿਆ
ਲਾਵਾਂ ਵਾਲ਼ੀ ਰਾਤ

77.
ਲਾਲਾਂ ਦੀ ਮੈਂ ਲਾਲੜੀ
ਮੇਰੇ ਲਾਲ ਪੱਲੇ ਪਏ
ਮੂਰਖ ਦੇ ਲੜ ਲੱਗ ਕੇ
ਮੇਰੇ ਉਹ ਵੀ ਡੁਲ੍ਹ ਗਏ

78.
ਉਰਲੇ ਕਿਆਰੇ ਗਾਜਰਾਂ
ਪਰਲੇ ਕਿਆਰੇ ਇੱਖ
ਲੋਕਾਂ ਭਾਣੇਂ ਆਦਮੀ
ਕੋਈ ਮੇਰੇ ਭਾਣੇ ਰਿੱਛ

ਮਹਿੰਦੀ ਸ਼ਗਨਾ ਦੀ/178