ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਪੈਰੀਂ ਝਾਂਜਰਾਂ ਪਾਈਆਂ
ਗਿੱਧੇ ਵਿਚ ਨੱਚਦੀ ਦਾ-
ਪਾਵੇ ਰੂਪ ਦੁਹਾਈਆਂ
21.
ਚੂੜਾ ਰੰਗਲਾ ਬਾਹਵਾਂ ਗੋਰੀਆਂ
ਮੈਂ ਛਮ ਛਮ ਦੁੱਧ ਰਿੜਕਾਂ
ਛਮ ਛਮ ਦੁੱਧ ’ਚ ਮਧਾਣੀ ਵੱਜਦੀ
ਗਲ ਸੁਣ ਸੋਹਣੀਏਂ
ਤੂੰ ਕਿਉਂ ਨੀ ਨੱਚਦੀ
ਸਾਨੂੰ ਵੀ ਸਖਾ ਦੇ
ਅਸੀਂ ਕਿੱਦਾਂ ਨੱਚੀਏ
ਬੱਲੇ ਨੀ
ਪੰਜਾਬ ਦੀਏ ਸ਼ੇਰ ਬੱਚੀਏ
22.
ਉਡਦਾ ਉਡਦਾ ਮੋਰ
ਮੇਰੀ ਚੀਚੀ ਉਤੇ ਬਹਿ ਗਿਆ
ਛੂ ਛਾਂ ਕਰਕੇ ਉਡਾ ਦੇਵਾਂਗੇ
ਤੈਨੂੰ ਗਿੱਧੇ ਵਿਚ
ਤੈਨੂੰ ਗਿੱਧੇ ਵਿਚ
ਨੱਚਣਾ ਸਖਾ ਦੇਵਾਂਗੇ
23.
ਜਦ ਮੈਂ ਗਿੱਧੇ ਵਿਚ ਨੱਚਾਂ
ਸੂਰਜ ਵੀ ਮੱਥਾ ਟੇਕਦਾ
ਲੁਧਿਆਣੇ ਜੱਟੀ ਨੱਚੇ
ਪਟਿਆਲਾ ਖੜ੍ਹ ਖੜ੍ਹ ਦੇਖਦਾ
ਮਹਿੰਦੀ ਸ਼ਗਨਾਂ ਦੀ/ 254
