ਪੰਨਾ:ਮਹਿੰਦੀ ਸ਼ਗਨਾਂ ਦੀ - ਸੁਖਦੇਵ ਮਾਦਪੁਰੀ.pdf/265

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ



20.
ਛੰਦ ਪਰਾਗੇ ਆਈਏ ਜਾਈਏ
ਛੰਦ ਪਰਾਗੇ ਭੂਕਾਂ
ਵਿਆਹੇ ਵਿਆਹੇ ਜੰਜ ਚੜ੍ਹ ਆਏ
ਛੜੇ ਮਾਰਦੇ ਕੂਕਾਂ

21.
ਛੰਦ ਪਰਾਗੇ ਆਈਏ ਜਾਈਏ
ਛੰਦ ਪਰਾਗੇ ਗਹਿਣਾ
ਧੀ ਆਪਣੀ ਨੂੰ ਸਮਝਾ ਦੇਣਾ
ਮੇਰੀ ਆਗਿਆ ਦੇ ਵਿਚ ਰਹਿਣਾ

22.
ਛੰਦ ਪਰਾਗੇ ਆਈਏ ਜਾਈਏ
ਛੰਦ ਪਰਾਗੇ ਦਾਤ
ਵਧ ਘਟ ਬੋਲਿਆ ਦਿਲ ਨਾ ਲਾਉਣਾ
ਭੁੱਲ ਚੁੱਕ ਕਰਨੀ ਮਾਫ਼

23.
ਛੰਦ ਪਰਾਗੇ ਆਈਏ ਜਾਈਏ
ਛੰਦ ਪਰਾਗੇ ਡੋਲਣਾ
ਬਾਪੂ ਜੀ ਨੇ ਆਖਿਆ ਸੀਗਾ
ਬਹੁਤਾ ਨਹੀਂ ਬੋਲਣਾ

24.
ਛੰਦ ਪਰਾਗੇ ਆਈਏ ਜਾਈਏ
ਛੰਦ ਪਰਾਗੇ ਛਿੱਤਰ
ਵਖ਼ਤ ਪਏ ਤੇ ਪਰਖੇ ਜਾਂਦੇ
ਰਿਸ਼ਤੇ-ਨਾਤੇ ਤੇ ਮਿੱਤਰ
.

ਮਹਿੰਦੀ ਸ਼ਗਨਾਂ ਦੀ/269