ਇਹ ਸਫ਼ਾ ਪ੍ਰਮਾਣਿਤ ਹੈ
ਬੇਦੀ ਦੇ ਅੰਦਰ ਮੇਰਾ ਵੀਰ ਬੁਲਾਵੇ
ਸੱਦੜੀ ਵਾਜ਼ ਕਿਉਂ ਨੀ ਦਿੰਦਾ
ਵੇ ਰੰਗ ਰੱਤੜਿਆ ਕਾਹਨਾ
ਵੇ ਰਾਣੀ ਰੁਕਮਣ ਦਿਆ ਜਾਇਆ
ਗਊਆਂ ਦੇ ਦਾਨ ਪੰਡਤ ਪਾਂਧੇ ਲੈਂਦੇ
ਧੀਆਂ ਦੇ ਦਾਨ ਨੀ ਜਵਾਈ
ਨੀ ਰੰਗ ਰੱਤੜੀਏ ਰਾਧਾ
ਨੀ ਰਾਣੀ ਰੁਕਮਣ ਦੀਏ ਜਾਈਏ
ਬੇਦੀ ਦੇ ਅੰਦਰ ਮੇਰਾ ਮਾਮਾ ਬੁਲਾਵੇ
ਸੱਦੜੀ ਵਾਜ਼ ਕਿਉਂ ਨਹੀਂ ਦਿੰਦਾ
ਵੇ ਰੰਗ ਰੱਤੜਿਆ ਕਾਹਨਾ
ਵੇ ਰਾਣੀ ਰੁਕਮਣ ਦਿਆ ਜਾਇਆ
ਗਊਆਂ ਦੇ ਦਾਨ ਮੇਰਾ ਮਾਮਾ ਕਰੇਂਦਾ
ਦਿੱਤੜੇ ਦਾਨ ਕਿਉਂ ਨਹੀਂ ਲੈਂਦਾ
ਵੇ ਰੰਗ ਰੱਤੜਿਆ ਕਾਹਨਾ
ਵੇ ਰਾਣੀ ਰੁਕਮਣ ਦਿਆ ਜਾਇਆ
ਗਊਆਂ ਦੇ ਦਾਨ ਪੰਡਤ ਪਾਂਧੇ ਲੈਂਦੇ
ਧੀਆਂ ਦੇ ਦਾਨ ਨੀ ਜਵਾਈ
ਨੀ ਰੰਗ ਰੱਤੜੀਏ ਰਾਧਾ
ਨੀ ਰਾਣੀ ਰੁਕਮਣ ਦੀਏ ਜਾਈਏ
18.
ਬੇਦੀ ਦੇ ਅੰਦਰ ਮੇਰਾ ਬਾਬਾ ਬੈਠਾ
ਉੱਤੇ ਹੀ ਕਾਹਨ ਸੀ ਆਇਆ
ਵੇ ਮੈਂ ਸ਼ਰਮੀਂ ਮਰ ਮਰ ਜਾਵਾਂ
ਕਾਹਨਾ ਤਾਹੀਓਂ ਕਲਜੁਗ ਆਇਆ
ਮਹਿੰਦੀ ਸ਼ਗਨਾਂ ਦੀ/ 46
