ਪੰਨਾ:ਮਾਨ-ਸਰੋਵਰ.pdf/170

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ



ਜੇ ਮੈਨੂੰ ਰਬ ਬਣਾ ਦੇਵੇਂ

ਸੌਂਹ ਤੇਰੀ ਰੱਬਾ ਇਕ ਦਿਨ ਲਈ,
ਜੇ ਮੈਨੂੰ ਰੱਬ ਬਣਾ ਦੇਵੇਂ।
ਅਪਣੀ ਨੂਰਾਨੀ ਹਿਕਮਤ ਨੂੰ,
ਜੇ ਮੇਰੀ ਭੇਟ ਚੜ੍ਹਾ ਦੇਵੇਂ।

ਹੈਰਾਨ ਹੋ ਵੇਖੇ ਅਰਸ਼ਾਂ ਚੋਂ,
ਮੈਂ ਕੀ ਰੰਗ ਦਿਖਾਂਦਾ ਹਾਂ!
ਜ਼ੁਲਮਾਂ ਦੀ ਬਲਦੀ ਅਗਨੀ ਨੂੰ,
ਬਿਨ ਪਾਣੀ ਕਿਵੇਂ ਬੁਝਾਂਦਾ ਹਾਂ।

ਤਹਿਜ਼ੀਬ ਚੋਂ ਜੰਮੀ ਵਹਸ਼ਤ ਨੂੰ,
ਮੈਂ ਡੂੰਘੇ ਖੂਹ ਵਿਚ ਪਾ ਦੇਵਾਂ।
ਮੰਦਰਾਂ ਨੂੰ ਖੱਡਾਂ ਕਰ ਦੇਵਾਂ,
ਪਲਕਾਂ ਵਿਚ ਜੁਗ ਪਲਟਾ ਦੇਵਾਂ।

-੧੬੭-