ਪੰਨਾ:ਮਾਨ-ਸਰੋਵਰ.pdf/195

ਵਿਕੀਸਰੋਤ ਤੋਂ
ਇਹ ਸਫ਼ਾ ਪ੍ਰਮਾਣਿਤ ਹੈ


ਆਖੇ,"ਸੁਖ ਵਿਚ ਸੋਹਣੇ ਫੁੱਲ ਨੂੰ,
ਹਰ ਕੋਈ ਗਲ ਲਾਂਦਾ।"
ਪਰ ਮੈਂ ਭਾਲਾਂ ਪ੍ਰੀਤਮ ਐਸਾ,
ਜੋ ਲਿਬੜੇ ਨੂੰ ਗਲ ਲਾਵੇ

-------


ਮੁੜ ਮੁੜ ਮੈਂ ਪੈਰਾਂ ਤੇ ਡਿੱਗਿਆ,
ਸੀ ਗੁਸਤਾਖ਼ੀ ਮੇਰੀ।
ਚਿੱਕੜ ਦੇ ਵਿਚ ਲਿਬੜੇ ਪਾਈ,
ਦਰ ਉਸ ਦੇ ਤੇ ਫੇਰੀ।
ਪਰ ਉਸ ਆਖਿਆ ਗਲੇ ਲਗਾਕੇ,
(ਤੇਰਾ) ਗਾਰਾ ਕੇਸਰ ਵਰਗਾ।
ਮੇਰੇ ਲਈ ਹੈ ਹੋ ਗਈ ਇੱਕੋ,
ਬਦੀ ਤੇ ਨੇਕੀ ਤੇਰੀ।

-------


ਮਾਇਆ ਮਾਇਆ ਕਹਿ ਕੇ ਯੋਗੀ,
ਟੁੱਟਿਆ ਜੱਗ ਤੋਂ ਮੋਇਆ,
ਜੇ ਹੋ ਜਾਸਣ ਪਾਪ ਦੋ ਤੈਥੋਂ,
ਤਾਂ ਅੜਿਆ ਕੀ ਹੋਇਆ?
ਤੇਰਾ ਬ੍ਰਹਮ ਪਿਆਰਾ ਦੱਸੀਂ,
ਪੂੰਝ ਨ ਸਕਸੀ ਤੈਨੂੰ?
ਜੋ ਮਾਇਆ ਦੀ ਮਲ ਨ ਲਾਹਵੇ,
ਉਹ ਰੱਬ ਕਾਹਦਾ ਹੋਇਆ?

++੦++

-੧੯੨-