ਪੰਨਾ:ਮਾਨ-ਸਰੋਵਰ.pdf/21

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ



ਤੇਰੇ ਜਿਹਾ ਤੂੰ

ਪੈਣ ਕਿਤੋਂ ਜਾਂ ਕੰਨਾਂ ਰਾਹੀਂ,
ਕਲੀਆਂ ਵਰਗੀਆਂ ਕੂਲੀਆਂ ਗੱਲਾਂ ।
ਦਿਲ-ਸਾਗਰ ਦੇ ਪਾਣੀ ਅੰਦਰ,
ਉੱਠਣ ਨਾਜ਼ਕ ਕੋਮਲ ਛੱਲਾਂ ।

ਮੈਂ ਨੱਸਦੀ ਹਾਂ ਦਿਲ ਤੋਂ ਮੂਹਰੇ,
ਦਿਲ ਨੱਸਦਾ ਏ ਮੈਥੋਂ ਮੂਹਰੇ ।
ਘੁਟਦੀ ਹਾਂ ਮਤ ਸੀਨਿਓਂ ਡਿੱਗ ਕੇ,
ਹੋ ਨਾ ਜਾਵੇ ਚੂਰੇ ਚੂਰੇ ।

ਮੁੜ ਜਦ ਅੱਖਾਂ ਵੇਖਦੀਆਂ ਨੇ,
ਮਦ-ਭਰੀਆਂ ਮਸਤਾਨੀਆਂ ਅੱਖੀਆਂ ।
ਬਾਹਵਾਂ ਖੁਲ੍ਹਣ ਮੱਲੋ ਮੱਲੀ,
ਬੁਕਲ ਦੇ ਵਿਚ ਘੁਟ ਘੁਟ ਰੱਖੀਆਂ ।

- ੧੭ -