ਪੰਨਾ:ਮਾਨ-ਸਰੋਵਰ.pdf/58

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ



ਚਮਕੌਰ ਦੀ ਗੜ੍ਹੀ

ਜਾਂ ਚਮਕੌਰ ਗੜ੍ਹੀ ਦੇ ਵਿਚੋਂ,
ਕੁੰਢੀਆਂ ਕੁੰਢੀਆਂ ਮੁੱਛਾਂ ਵਾਲੇ ।
ਮਛਰੇ ਵੈਰੀ-ਦਲ ਦੇ ਅੰਦਰ,
ਕੁਦਦੇ ਗਏ ਉਹ ਸ਼ੇਰ ਨਿਰਾਲੇ ।

ਜਦੋਂ ਸ਼ਮਾਂ ਦੀ ਸੈਨਤ ਉਤੋਂ,
ਮਰ ਗਏ ਹੋ ਪਰਵਾਨੇ ਝੱਲੇ ।
ਜਾਂ ਕਿਰਦੇ ਗਏ ਗਲ ਦੇ ਹਾਰੋਂ,
ਉਹਦੇ ਮੋਤੀ ਕੱਲੇ ਕੱਲੇ ।

ਜਾਂ ਉਸਦੇ ਨੈਣਾਂ ਦੇ ਤਾਰੇ,
ਟੁੱਟ ਗਏ ਅਸਮਾਨਾਂ ਵਿਚੋਂ ।
ਜਾਂ ਉਸਦੇ ਦੋ ਜਿਗਰੀ ਟੋਟੇ,
ਨਾ ਪਰਤੇ ਮੈਦਾਨਾਂ ਵਿਚੋਂ ।

- ੫੪ -