ਇਹ ਵਰਕੇ ਦੀ ਤਸਦੀਕ ਕੀਤਾ ਹੈ
ਸਿਖ ਤੇ ਪੰਜਾਬ
ਨਕਸ਼ਾ ਦੁਨੀਆ ਦਾ ਰੱਬ ਬਣਾ ਲਿਆ ਜਾਂ,
ਸੱਦ ਕੇ ਨਾਨਕ ਨੂੰ ਕੋਲ ਬਹਾਲਿਓ ਸੂ ।
ਕਿਥੇ ਧਰਮ-ਪਨੀਰੀ ਤੂੰ ਲਾਵਣੀ ਏਂ,
ਖ਼ਾਕਾ ਜਗ ਦਾ ਖੋਲ੍ਹ ਦਿਖਾਲਿਓ ਸੂ ।
ਸਚ ਸੁਚੇ ਕੁਰਬਾਨੀ ਦੇ ਬੂਟਿਆਂ ਲਈ,
ਚੁਣ ਲੈ ਥਾਂ ਹੋਕੇ ਦਿਲੋਂ ਸ਼ਾਦ ਨਾਨਕ ।
ਪਹਿਲੋਂ ਤੈਨੂੰ ਮੈਂ ਰੱਜਕੇ ਖੁਸ਼ੀ ਕਰਸਾਂ,
ਪਿਛੋਂ ਕਰਾਂਗਾ ਜੱਗ ਆਬਾਦ ਨਾਨਕ ।
ਜਿਦ੍ਹੀ ਥਾਪਣਾ ਲੈਣ ਲਈ ਜੱਗ ਤਰਸੇ,
ਪੰਜਾ ਨਾਨਕ ਨੇ ਇਕ ਥਾਂ ਲਾ ਦਿੱਤਾ ।
ਨਾਮ ਰੱਖ ਕੇ ਉਹਦਾ ਪੰਜਾਬ ਰੱਬ ਨੇ,
ਮਥੇ ਹਿੰਦ ਦੇ ਉਤੇ ਸਜਾ ਦਿੱਤਾ।
- ੬੯ -
