ਪੰਨਾ:ਮਾਨ-ਸਰੋਵਰ.pdf/75

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ



ਲੇਖ ਇਹਦੇ ਮਜ਼ਲੂਮਾਂ ਦੇ ਲਿਖਣੇ ਲਈ,
ਸੀਸ ਦਿਲੀ ਵਿਚ ਕਲਮ ਕਰਾਏ ਹੋਏ ਨੇ

ਏਥੇ ਸਿਦਕ ਦੇ ਬੂਟੇ ਉਗਾਣ ਬਦਲੇ,
ਖ਼ੂਨ ਡੋਲਣਾ ਪਿਆ ਏ ਮਾਲੀਆਂ ਨੂੰ ।
ਟੋਟੇ ਅਪਣੇ ਜਿਗਰ ਦੇ ਵਢ ਵਢ ਕੇ,
ਪੱਤਰ ਲਾਵਣੇ ਪਏ ਨੇ ਡਾਲੀਆਂ ਨੂੰ ।

ਇਹਦੇ ਇਕ ਇਕ ਪੱਤੇ ਦੇ ਦਾਗ਼ ਬਦਲੇ,
ਭੋਰਾਂ ਭੱਠੀਆਂ ਵਿਚ ਆਸਣ ਲਾ ਦਿਤੇ ।
ਏਹਦੀ ਲਮਕਦੀ ਜਾਨ ਬਚਾਣ ਬਦਲੇ,
ਜੰਡਾਂ ਨਾਲ ਨੇ ਵੀਰ ਲਮਕਾ ਦਿਤੇ।

ਕਿਧਰੇ ਜੇਲਾਂ 'ਚ ਏਸ ਦੇ ਦਰਦ ਬਦਲੇ,
ਸੋਹਲ ਦੇਵੀਆਂ ਚੱਕੀਆਂ ਝੋਈਆਂ ਨੇ।
ਇਹਦੇ ਪੈਰੀਂ ਪਾਂਜ਼ੇਬ ਸਜਾਣ ਬਦਲੇ,
ਮਾਸ ਹੱਡੀਆਂ ਕਈਆਂ ਪਰੋਈਆਂ ਨੇ।

ਜੋ ਜੋ ਸਿਦਕ ਦੀ ਤਾਰ ਤੇ ਡੋਲੀਆਂ ਨਾ,
ਰੱਤ ਡੁੱਲ੍ਹਦੀ ਵੇਖ ਨਿਮਾਣੀਆਂ ਦੀ ।
ਜ਼ੱਰੇ ਜ਼ੱਰੇ ਵਿਚ ਨਵੀਂ ਤੋਂ ਨਵੀਂ ਬੀਬਾ,
ਪਈ ਫ਼ਿਲਮ ਹੈ ਬੰਦ ਕੁਰਬਾਨੀਆਂ ਦੀ ।

ਕਲ੍ਹ ਸੋਹਣਿਆ ਏਸ ਪੰਜਾਬ ਅੰਦਰ,
ਲੈ ਲੈ ਖ਼ੂਨ ਸਾਡਾ ਨਦੀਆਂ ਵੱਗਦੀਆਂ ਸੀ ।
ਢਾਲ ਢਾਲ ਕੇ ਸਾਡੀਆਂ ਚਰਬੀਆਂ ਨੂੰ,
ਘਰੀਂ ਕਿਸੇ ਦੇ ਬੱਤੀਆਂ ਜਗਦੀਆਂ ਸੀ ।

- ੭੧ -