ਇਹ ਵਰਕੇ ਦੀ ਤਸਦੀਕ ਕੀਤਾ ਹੈ
ਜਹਾਂਗੀਰ ਨੂੰ
(ਗੁਰੂ ਅਰਜਨ ਸਾਹਿਬ ਦੀ ਸ਼ਹੀਦੀ)
ਓਇ ! ਜਹਾਂਗੀਰਾ ਤੂੰ ਜਹਾਂਗੀਰ ਹੀ ਸਹੀ,
ਜਗੋਂ ਵੱਖਰੀ ਸਹੀ ਨੁਹਾਰ ਤੇਰੀ ।
ਸ਼ਹਿਨਸ਼ਾਹਾਂ ਦਾ ਵੀ ਸ਼ਹਿਨਸ਼ਾਹ ਹੀ ਤੂੰ,
ਮੰਨੀ ਜੱਗ ਨੇ ਤੇਗ਼ ਦੀ ਧਾਰ ਤੇਰੀ ।
ਭਾਵੇਂ ਭਾਜੜਾਂ ਪਈਆਂ ਫ਼ਰੰਗੀਆਂ ਨੂੰ,
ਲਿਸ਼ਕੀ ਨੈਣਾਂ ਦੀ ਜਦੋਂ ਕਟਾਰ ਤੇਰੀ ।
ਕਾਂਬਾ ਸਾਰੇ ਹੀ ਯੋਰਪ ਨੂੰ ਛਿੜ ਗਿਆ ਸੀ,
ਸਹਿ ਨਾ ਸਕਿਆ ਘੂਰੀ ਦੀ ਮਾਰ ਤੇਰੀ ।
ਫ਼ੱਕਰ ਨਾਲ ਪਰ ਸੋਚ ਕੇ ਲਈਂ ਟੱਕਰ,
ਫੌਜਾਂ ਹੁੰਦਿਆਂ ਹੋਵੇਗੀ ਹਾਰ ਤੇਰੀ ।
ਇਹਦੇ ਸਬਰ ਦੀ ਅੱਗ ਜਾਂ ਭੜਕ ਉਠੀ,
ਪੰਘਰ ਜਾਏਗੀ ਖ਼ੂਨੀ ਤਲਵਾਰ ਤੇਰੀ ।
- ੭੬ -
