ਪੰਨਾ:ਮੇਰੀਆਂ ਨਜ਼ਮਾਂ ਪੈਸੇ ਪੈਸੇ.pdf/28

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਪਿਆਰ ਦੇ ਵਿਚ ਪਿਆਰ

ਅਜ ਅਗਰ ਮੈਂ
ਛੱਡ ਦੇਵਾਂ
ਦਿਸਦੀ ਏਸ ਦੁਨੀਆਂ ਨੂੰ।
ਤੇ ਨਾਲ ਨਾਲ
ਏਸ ਛੋਟੇ ਜਹੇ ਮਨ ਦੀ-
ਇਕ ਵੱਖਰੀ ਵਸਾਈ ਹੋਈ,
ਪਿਆਰ ਦੀ ਬਨਾਈ ਹੋਈ,
ਰੁਸਦੀ ਓਸ ਦੁਨੀਆਂ ਨੂੰ।
ਤੇ ਚਲਾ ਜਾਂਵਾਂ
ਕਿਤੇ ਦੂਰ,
ਬਹੁਤ ਦੂਰ-
ਕੁਦਰਤ ਦੀਆਂ ਬਾਂਹਾਂ ਅੰਦਰ।
ਇਕਾਂਤ ਵਿਚ ਬੈਠ ਕੇ,
ਜੀਵਨ ਦੀ ਗੁੰਝਲ ਖੋਲਾਂ;
'ਮਜਾਜ਼ੀ' ਤੋਂ 'ਹਕੀਕੀ' ਤੇ;
ਕਦਮ ਕਦਮ ਵਧਾਈ ਜਾਂ
ਸੱਚੇ ਦੀਆਂ ਰਾਹਾਂ ਅੰਦਰ।
ਪਰ ਕਦੇ
ਜ਼ਿੰਦਗੀ ਵਿੱਚ,
ਕਿਸੇ ਬੀਤੇ ਸਮੇਂ ਦਾ
ਕੋਈ ਭੁੱਲਿਆ ਹੋਇਆ ਖ਼ਿਆਲ।

੨੮