ਪੰਨਾ:ਯਾਦਾਂ.pdf/100

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ

ਯਾਦਾਂ

ਵਡੇ ਤੇਰਿਆਂ ਨੇ ਜੇਹੜੇ ਸ਼ੁਰੂ ਕੀਤੇ,
ਕਾਰਜ, ਉਹਨਾਂ ਨੂੰ ਤੋੜ ਨਿਭਾਨਾ ਹੈ ਤੂੰ।
ਪਾਪ ਜੁਲਮ ਦਾ ਖੋਜ ਮਿਟਾਨਾ ਹੈ ਤੂੰ,
ਭਾਰਤ ਵਰਸ਼ ਆਜ਼ਾਦ ਕਰਾਨਾ ਹੈ ਤੂੰ।
ਡੰਕਾ ਏਕਤਾ ਵਾਲਾ ਵਜੌਨਾ ਹੈ ਤੂੰ,
ਝੰਡਾ ਸਚ ਚੌਤਰਫ ਝੁਲਾਨਾ ਹੈ ਤੂੰ।
ਭੇਦ ਆਪਨੇ ਆਪ ਦਾ ਪੌਨਾਂ ਹੈ ਤੂੰ,
ਇਕ ਇਕ ਗੁਰ ਵਾਕ ਕਮੌਨਾ ਹੈ ਤੂੰ।
ਦੇਖ ਕਿੰਨੀਆਂ ਇਹ ਜਿਮੇਵਾਰੀਆਂ ਜੋ,
ਕੁਦਰਤ ਨੇ ਤੇਰੇ ਸਿਰ ਤੇ ਰੱਖੀਆਂ ਨੇ।
ਅਖਾਂ ਖੋਲਕੇ ਦੇਖ ਕਿ ਦਸਾਂ ਗੁਰੂਆਂ,
ਤੇਰੀ ਵਲ ਲਾਈਆਂ ਹੋਈਆਂ ਅਖੀਆਂ ਨੇ।

੯੨.