ਪੰਨਾ:ਯਾਦਾਂ.pdf/35

ਵਿਕੀਸਰੋਤ ਤੋਂ
ਇਹ ਸਫ਼ਾ ਪ੍ਰਮਾਣਿਤ ਹੈ

ਸਿੱਕ

ਹੈ ਤਸਵੀਰ ਇਕੋ,ਲਿਖਿਆ ਦੋ ਤਰਫੀਂ।
ਕੱਵੀ ਇਕ ਉਤੇ, ਸਿੱਕ ਇਕ ਉਤੇ।
ਆਸ਼ਕ ਹੈਨ ਦੋਵੇਂ ਇਕ ਦੂਸਰੇ ਤੇ,
ਸਿਕ ਕਵੀ ਉਤੇ, ਕਵੀ ਸਿੱਕ ਉਤੇ।
ਲਿਖੇ ਧੁਰੋਂ ਹੀ ਔਨ ਜਹਾਨ ਅੰਦਰ,
ਹਰਫ ਸਿੱਕ ਦੇ ਕਵੀ ਦੀ ਹਿੱਕ ਉਤੇ।
ਸਿਕ ਸਿਕ ਦਾ ਹੀ ਸ਼ਬਦ ਗੂੰਜਦਾ ਹੈ,
ਕਵੀ ਦੇ ਦਿਲ ਦੀ ਟਿਕ ਟਿਕ ਉਤੇ।
ਸਚੇ ਕਵੀ ਜੋ, ਸਿੱਕ ਤੇ ਲਿਖਨ ਵੇਲੇ,
ਲਫ਼ਜ਼ਾਂ ਦਾ ਨ ਮੂਲ ਐਹਸਾਨ ਸਹਿੰਦੇ।
ਅਪਨੇ ਛਾਨਣੀ ਜਿਗਰ ਦਾ ਵਾਹ ਨਕਸ਼ਾ,
ਹੇਠਾਂ ਲਿਖ ਦੇਂਦੇ 'ਏਹਨੂੰ ਸਿਕ ਕਹਿੰਦੇ।'

੨੭