ਪੰਨਾ:ਯਾਦਾਂ.pdf/37

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ

ਯਾਦਾਂ

ਏਸ ਸਿਕ ਨੇ ਆਸ਼ਕਾਂ ਵਿਚ ਆਕੇ,
ਮਛਲੀ ਪਟ ਦੀ ਭੁਨ ਖਵਾਈ ਕਿਧਰੇ।
ਕਿਧਰੇ ਤਾਰਕੇ ਸੁੰਦਰਾਂ ਡੋਬੀਉ ਸੂ,
ਸੋਹਣੀ ਡੋਬ ਕੇ ਫੇਰ ਤਰਾਈ ਕਿਧਰੇ।
ਗਲੀ ਗਲੀ ਜ਼ੁਲੈਖਾਂ ਸੁਦੈਨ ਫੇਰੀ।
ਸਸੀ ਥਲਾਂ ਚਿ ਮਾਰੀ ਤਿਹਾਈ ਕਿਧਰੇ।
ਕਿਧਰੇ ਜਿਊਂਦੀ ਅਨਾਰ ਦੀ ਕਲੀ ਦਬੀ,
ਸਹਿਬਾ ਅਰਸ਼ ਤੋਂ ਫਰਸ਼ ਪਟਕਾਈ ਕਿਧਰੇ।
ਮਜਨੂ ਲਖਾਂ ਹੀ ਤੜਫਦੇ ਸਿਸਕਦੇ ਨੇ,
ਏਸ ਲੈਲੀ ਦੇ ਨੈਣਾਂ ਦੀ ਮਾਰ ਖਾਕੇ।
ਬੇਹਿਸਾਬ ਫਰਿਹਾਦ, ਫਰਯਾਦ ਕਰਦੇ,
ਏਸ ਸਿਕ ਦੇ, ਤੇਸੇ ਦਾ ਵਾਰ ਖਾਕੇ।

੨੯