ਪੰਨਾ:ਯਾਦਾਂ.pdf/38

ਵਿਕੀਸਰੋਤ ਤੋਂ
ਇਹ ਸਫ਼ਾ ਪ੍ਰਮਾਣਿਤ ਹੈ

ਯਾਦਾਂ

ਸਿਕ ਇਸ਼ਕ ਹਕੀਕੀ ਦੀ ਰਾਹ ਉਤੇ,
ਕੀਤੇ ਇਸ਼ਕ ਮਿਜ਼ਾਜੀ ਤੋਂ ਵਧ ਕਾਰੇ।
ਕਦੀ ਚਾੜ੍ਹਿਆ ਪਕੜ ਮਨਸੂਰ ਸੂਲੀ,
ਮਤੀ ਦਾਸ ਤੇ ਕਦੀ ਚਲਵਾਏ ਆਰੇ।
ਖਲ ਕਿਤੇ ਤਬਰੇਜ਼ ਉਤਾਰਿਓ ਸੂ,
ਪੁਰਜ਼ੇ ਕਿਤੇ ਸਰਮਦ ਉਡਾਏ ਮਾਰੇ।
ਪੰਜੇ ਸਾਹਬ ਸਿਦਕੀ ਇੰਜਨ ਹੇਠ ਪਿੰਜੇ,
ਮਨੀ ਸਿੰਘ ਦੇ ਬੰਦ ਕਟਵਾਏ ਸਾਰੇ।
ਲਛਮਨ ਸਿੰਘ ਦੇ ਰਿਧੇ ਪਰਵੇਸ਼ ਕਰਕੇ,
ਪੁਠਾ ਅੱਗ ਤੇ ਉਸਨੂੰ ਟੰਗਵਾਇਆ ਇਸਨੇ।
ਵਲੇ ਸਤ ਪਾਕੇ ਤੇ ਦਲੀਪ ਸਿੰਘ ਨੂੰ,
ਕਤਲਗਾਹ ਦੇ ਵਿਚ ਪੁਚਾਇਆ ਇਸਨੇ।

੩੦