ਪੰਨਾ:ਯਾਦਾਂ.pdf/47

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


ਪੱਲਾ

ਜਾਗੇ ਭਾਗ ਸੁਤੇ ਸੁਫਨੇ ਵਿਚ ਮੇਰੇ
ਉਸਨੇ ਮੂੰਹ ਤੇ ਦਿਤਾ ਖਿਲਾਰ ਪੱਲਾ।
ਪੱਲਾ ਕੀ ਸੀ ਬਦਲ ਸੀ ਰਹਿਮਤਾਂ ਦਾ,
ਹਰੀ ਕਰ ਗਿਆ ਮੇਰੀ ਗੁਲਜ਼ਾਰ ਪੱਲਾ।
ਚੁਮਨ ਲਗਾ ਜਾਂ ਪੱਲਾ ਤਾਂ ਖਿਚ ਲੀਤਾ,
ਮਹਿੰਦੀ ਭਰੇ ਹਥਾਂ ਤਿਲੇਦਾਰ ਪੱਲਾ।
ਚਾ ਬੁਝਾ ਦਿਤਾ ਦੀਵਾ ਸਧਰਾਂ ਦਾ,
ਇਕੋਵਾਰ ਹਾਏ ਉਸ ਨੇ ਮਾਰ ਪੱਲਾ।
ਲੰਘ ਚਲਿਆ ਜਦੋਂ ਸ਼ਹੀਦ ਕਰਕੇ,
ਫੜਿਆ ਮੈਂ ਓਦੋਂ ਇਹ ਪੁਕਾਰ ਪੱਲਾ।
ਸ਼ਰਬਤ ਵਸੱਲ ਦੇ ਬਾਝ ਤਬੀਬ ਮੇਰੇ,
ਛਡੇ ਕਿਸ ਤਰਾਂ ਤੇਰਾ ਬੀਮਾਰ ਪੱਲਾ।

੩੯