ਪੰਨਾ:ਯਾਦਾਂ.pdf/48

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ

ਯਾਦਾਂ

ਬੀਆਬਾਨ ਅੰਦਰ ਬਗਲ ਵਿਚ ਲੈਕੇ,
ਮਜਨੂੰ ਲੇਲੀ ਦੀ ਸੀ ਤਸਵੀਰ ਫਿਰਦਾ।
ਲੇਲੀ ਲੇਲੀ ਪੁਕਾਰਦਾ ਫਿਰੇ ਬਨ ਬਨ,
ਲੇਲੀ ਵਾਸਤੇ ਹੋਇਆ ਫਕੀਰ ਫਿਰਦਾ।
ਬਦਨ ਸੁਕ ਸੀ ਤੀਰ ਦੇ ਵਾਂਗ ਹੋਇਆ,
ਸੁਕੇ ਨੈਣ ਪਰ ਨਾਂ ਭਰੇ ਨੀਰ ਫਿਰਦਾ।
ਹਸੇ ਕਦੀ ਤਸਵੀਰ ਨੂੰ ਵੇਖਕੇ ਤੇ,
ਰੋਕੇ ਕਦੀ ਕਰਦਾ ਏਹ ਤਕਰੀਰ ਫਿਰਦਾ।
‘ਪੁਛੇ ਬਾਜ ਅਗੇ ਨਹੀਂ ਜਾਨ ਦੇਨਾ,
ਜਦੋਂ ਵੀ ਫੜ ਲਿਆ ਸਰਕਾਰ ਪੱਲਾ।
ਸ਼ਰਬਤ ਵਸਲ ਦੇ ਬਾਝ ਤਬੀਬ ਮੇਰੇ,
ਤੇਰਾ ਛੱਡ ਦੇ ਕਿਵੇਂ ਬੀਮਾਰ ਪੱਲਾ।'

੪o