ਇਹ ਸਫ਼ਾ ਪ੍ਰਮਾਣਿਤ ਹੈ
ਯਾਦਾਂ
ਤੱਕ ਫੁੱਲਾਂ ਦੀ ਏਹ ਮਗਰੂਰੀ,
ਇਕ ਪਰੇਮੀ ਹੱਥ ਜੋੜ ਕਿਹਾ।
ਇਕ ਗੱਲਵੱਕੜੀ ਪਾਕੇ ਬੇਸ਼ਕ,
ਸੂਲੀ ਰੋਜ਼ ਚੜਾਇਆ ਕਰ।
ਇਸ਼ਕ ਬਿਮਾਰੀ ਦਾ ਦਾਰੂ ਪੁਛਿਆ,
ਤਾਂ ਪ੍ਰੇਮੀ ਕਹਿਨ ਲਗਾ।
'ਖੂਨ ਦਿਲੇ ਦਾ ਪੀਆ ਕਰ ਤੇ,
ਪੀੜ ਜਿਗਰ ਦੀ ਖਾਇਆ ਕਰ।
ਜੇ ਮਿਲਨਾ ਫੁੱਲਾਂ ਨੂੰ ਚਾਹੇਂ,
ਕੰਡਿਆਂ ਨਾਲ ਯਰਾਨੇ ਪਾ।
ਜੇ ਚਾਹੇਂ ਅਰਸ਼ਾਂ ਤੇ ਰਹਿਨਾ,
ਖੁਦ ਨੂੰ ਖ਼ਾਕ ਬਨਾਇਆ ਕਰ।
ਹੁੰਦੀ ਵਿੱਚ ਵਛੋੜੇ ਦੇ ਵੀ,
ਸੂਖਸ਼ਮ ਤਿਆਰੀ ਵਸੱਲਾਂ ਦੀ।
ਪੱਤਝੜ ਵੇਖ ਬਹਾਰ ਔਨ ਦੀ,
ਮੱਨ ਵਿੱਚ ਖੁਸ਼ੀ ਮਨਾਇਆ ਕਰ।'
'ਬੀਰ’ ਜਗਤ ਵਿੱਚ ਸੱਚੇ ਦਿਲ ਥੀਂ,
ਜੋ ਮੰਗੀਏ ਮਿਲ ਜਾਂਦਾ ਏ।
ਇਸ ਲਈ ਇਕ ਨਿਸ਼ਾਨਾ ਚੰਗਾ,
ਥਾਂ ਥਾਂ ਨਾ ਭਟਕਾਇਆ ਕਰ।
੪੬
