ਪੰਨਾ:ਯਾਦਾਂ.pdf/68

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ

ਯਾਦਾਂ

ਸਚੀ ਪਿਤਰ ਪੂਜਾ ਦਸੀ ਹਰੀ ਭਗਤੀ,
ਹਰੀ ਭੁਲਿਆਂ ਨੂੰ ਹਰਦਵਾਰ ਜਾਕੇ।
ਇਲਮ ਨਿਉ ਨਿਊਂਕੇ 'ਅਮਲ' ਦੇ ਪੈਰ ਚੁੰਮੇ,
ਕੀਤਾ ਪੰਡਤਾਂ ਨੇ ਜੈ ਜੈ ਕਾਰ ਜਾਕੇ।
ਵਹਿਮ ਹਿੰਦੂ ਦਿਮਾਗ ਦਾ ਦੂਰ ਕਰਕੇ,
ਮੱਕੇ ਵਿਚ ਮੁਸਲਿਮ ਦਿਤੇ ਤਾਰ ਜਾਕੇ।
ਦਿਤਾ ਦੀਨ ਦੇ ਰੁਕਨ ਦਾ ਤੋੜ ਸਾਰਾ,
ਪਰੇਮ ਨਿਮਰਤਾ ਨਾਲ ਹੰਕਾਰ ਜਾਕੇ।
ਜਦੋਂ ਕਾਬੇ ਨੇ ਰੱਬ ਦਾ ਨੂਰ ਡਿੱਠਾ,
ਵਜਦ ਵਿੱਚ ਭੋਂਕੇ ਖੋਲ੍ਹ ਭੇਦ ਦੱਸੇ।
ਮੇਰੇ ਵਿਚ ਲੋਕਾਂ ਜਿਸਨੂੰ ਕੈਦ ਕੀਤਾ,
ਉਹ ਖੁਦਾ ਸੱਚਾ ਸਭੀ ਜਗ੍ਹਾ ਵੱਸੇ।

੬੦